Кёп болмай «Мак - 2022» оператив-профилактика  операцияны чеклеринде  КъМР-де МВД-ны Наркотиклеге къажау управлениясыны  бла ФСБ-ны чеклени сакълагъан службасыны  келечилери  Черек районда 550 квадрат метрде кендир ёсген жерни тапхандыла. Ызы бла муниципалитетни администрацисыны келечилери бла бирге 300 квадрат метрде аны  150 килограмм тенгли бирин чалып кюйдюргендиле.  Къалгъаны да администрацияны кючю бла  кетерилгенди. 

Операция «Мак-2022» битеу республикада барады. Аны магъанасы законсуз наркотикле жюрютюуню тинтиргеди эм аманлыкъчыланы уголовный жууапха тартыргъады.

Полициячыла кендир ёсген жерлени тинтир  эм  аманлыкъчыланы да жуупха тартыр муратда  рейдлени мындан арысында да бардырадыла.

  Уру  тутулгъанды

Кёп болмай Россейни МВД-сыны Урван районда бёлюмюне 49-жыллыкъ тиширыу келгенди эмда  кёп фатарлы юйню арбазында  велосипедин урлагъанларын билдиргенди.

Оператив-излеу ишлени кезиуюнде полициячыла  ишеклик туудургъан 54-жыллыкъ нарткъалачыны тутхандыла. Эркегырыу этген аманлыгъын букъдурмагъанды, ол санда  велосипедлени сатар ючюн урлагъанын да айтханды.  Следствие  баргъан кезиуде аманлыкъчы бу жолгъа дери Нарткъалада  он велосипед урлагъаны белгили болгъанды. Аланы бир кесеги уручуну  къолунда  табылгъандыла, къалгъанын да башхаладан жыяргъа тюшгенди. 

Ачыкъланнган  шартлагъа кёре, аманлыкъчы РФ-ны Уголовный кодексини 158-чи статьясыны 2-чи кесегини «г» пунктуна кёре  жууапха тартылгъанды.

Банк картадан ахча урлагъанды  

Кёп болай Россейни МВД-сыны «Баксанский» бёлюмюне Исламейде жашагъан 73-жыллыкъ эр киши келип, банк картасындан беш минг сом урланнганын айтханды.

Оператив-излеу ишлени кезиуюнде уголовный  розыскны келечилери 26-жыллыкъ тиширыуну тапхандыла. Ол  тарыкъгъанны  къоншусу болуп чыкъгъанды. 

Следствие билдиргеннге кёре, алгъаракълада ол, къоншусуна  ахча алыргъа болушханында,  кодну билгенди эм экинчи кере онг чыкъгъанда, ахча къоллу болур амалны жибермегенди.   

Ачыкъланнган шартлагъа кёре,  аманлыкъчыгъа РФ-ни Уголовный кодексини 158-си статьясыны  3-чю кесегини «г» пунктуна кёре иш ачылгъанды. 

Бизни корр.