Къашхатауда ара район библиотекада ишлегенле окъуучуланы кечесин къурагъандыла. Анга деп «Сахнаны эки жанында да» деген конкурс-оюн  программа хазырлагъандыла. 
Устазладан, Маданият юйде чыгъармачы коллективледен, «Нюр» сабий садда ишлегенледен,  «Жаш гвардияны» регион бёлюмюню келечилеринден беш команда къуралып, тюрлю-тюрлю конкурсла, викторинала бардыргъандыла, сахна оюнла да кёргюзтгендиле. Алагъа районда атлары айтылгъан жырчыла  Тюменланы Айшат, Алчакъланы Артур, Къадырланы Джанита да ариу жырлары бла  себеплик этгендиле.
Эсеплеге  кёре, биринчи жерге  эл школну устазлары  тийишли болгъандыла, экинчиге Маданият юйде,   «Нюр» сабий садда ишлегенледен къуралгъан командала эмда районну  чыгъармачы коллективи чыкъгъандыла, ючюнчю  жер «Жаш гвардиячылагъа» жетгенди. Командаланы капитанлары  айтханнга кёре, алагъа  ол ингирде хорлам угъай, оюннга  къатышып, зауукълукъ алгъанлары неден да багъалы эди. 
Акция эсде къалырча болгъанды. Къараучула да аз тюйюл эдиле, деп билдиргендиле бизге Черек районну администрациясыны пресс-службасындан.