Казбек Коков иш хакъны кётюрюрге буюргъанды

КъМР-ни Башчысы Казбек Коков Правительствону бла муниципал администрацияланы башчыларыны бирге бардырылгъан жыйылыуларында бюджет учреждениялада ишлегенлени айлыкъларын кётюрюу жаны бла былтыр башланнган ишни андан ары бардырыргъа буюргъанды.  «Адамларыбызны къолайлыкъларын ёсдюрюу – ол РФ-ни Президенти Владимир Путин салгъан баш борчладан бириди, аны себепли халкъны файдаларыны эмда айлыкъларыны ёлчемлери  бла республика СКФО-да ал сатырлада болургъа керекди», – дегенди.  
Казбек Коковну буйругъу бла 1 августдан башлап, Къабарты-Малкъарны  бюджет организацияларында уруннганланы иш хакълары энтта да 10 процентге кётюрюллюкдю. Анга ахча республикалы бюджетден бёлюнюрюкдю. Эсигизге салайыкъ, Къабарты-Малкъарда иш хакъгъа 2021 жылны август айында 10 процент къошулгъанды. 
Республиканы оноучусу иш хакъ бла байламлы статистика шартлада региондан этилген социал къошакъланы бир бирлери тергелмегенлерин эсге салгъанды. Сёз, ол санда, былтыр айлыкъны 10 процентге ёсгенини, къоркъуулу жукъгъан аурууладан бакъгъан госпитальлада ишлеген медиклени, класс башчылыкъны бардыргъан устазланы юслеринден да баргъанды. Специалистлеге аллай къошакъ тёлеуле берирге  хар регионну да онгу болуп къалмайды. СМИ жаланда статистика шартлагъа таянып къурашдыргъан рейтингледе уа регионну къошакъ социал болушлугъу эсге алынмагъан кезиуле да тюбейдиле. 
Саулай алгъанда, республикада иш хакъны орталыкъ ёлчеми ёсгенди. КъМР-ни Правительствосуну Председатели Мусукланы Алий билдиргеннге кёре, ол быйылны биринчи кварталында 31 795 сом болгъанды, ол а былтырны быллай кезиуюнден 8,8 процентге асламды. Иш хакъны ёсюуюне, Мусукланы Алий айтханнга кёре, правительстволу комиссияны айлыкъны «ауанадан» чыгъарыу жаны бла иши да себеплик этгенди. 
Иш хакъ бла байламлы болумларын билдирип, КъМР-ни культура министри Мухадин Кумахов, КъМР-ни саулукъ сакълау министри Рустам Калибатов эмда КъМР-ни жарыкъландырыу эм илму министри Анзор Езаов сёлешгендиле.  
КъМР-ни экономиканы айнытыу министрини орунбасары Хусейн Тимижев а республикада быйыл мартдан бери халкъны файдасы ёсгенин белгилегенди. «Промышленность, эл мюлк производство да, сатыу-алыуча, ара аш-азыкъча, къонакъ юйлеча, ишлерин селейтмейдиле. Биз ол атламларыбызны сакъларгъа керекбиз», – дегенди ол.  Халкъны файдасыны ёсгенин министрни орунбасары юйюрлеге этилген социал тёлеуле бла байламлы этеди. Ала да статистика шартлагъа кирмегенлерин да чертгенди.    
Мусукланы Алий дагъыда республикада федерал программала бла миллет проектле къалай толтурулгъанларыны юсюнден билдиргенди. Къабарты-Малкъарда 2022 жылда 45 регион проект бардырылады. Алагъа 11,6 миллиард сом чакълы бир бёлюннгенди, бюгюнлюкде аны 41 процентинден асламы хайырланылгъанды. Ол а Россейде орта эсепден 28,2 процентге эмда СКФО-да 28 процентге артыкъды. 
Казбек Коков бардырылгъан ишге бийик багъа бичгенди, алай жыйылгъанлагъа тынчайып къалмазгъа кереклисин эсгертгенди. «Миллет  проектлени себепликлери бла  къолубуздан келеди биринчи медицина болушлукъ бериу бёлюмню игилендириу жаны бла мадарла этерге, школланы, жолланы, жамауат тийрелени да жангыртыргъа. Миллет проектле  экономиканы алгъа элтген кюч болгъандыла. Бюгюнлюкде туристлени саны ёсгенин кёрюп турабыз, эл мюлкде да жетишимле бардыла. Ол а бизге къошакъ файда алыргъа онг береди. Аны биз иш хакъгъа кибик, башха магъаналы борчларыбызны толтурургъа да къоратыргъа боллукъбуз», – дегенди ахырында республиканы оноучусу.
    Ишчи кенгешни эсеплерине кёре районланы бла шахарланы башчыларына, республиканы толтуруучу власть органларыны таматаларына протокол буйрукъла берилгендиле.

КъМР-ни Башчысыны бла Правительствосуну 
пресс-службасы.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.