БЕРДЫМУХАМЕДОВ СЕРДАР МЭЗКУУ ЩЫХЬЭЩIАЩ

Мэкъуауэгъуэм и 11-м Мэзкуу къэкIуащ Тыркумэным и президентыщIэ Бердымухамедов Сердар. 
 «Урысеймрэ Тыркумэнымрэ я зэхуаку дэлъ зэхущытыкIэр къэкIуэну зэманым хуэгъэпсащ», - жиIащ Путин Владимир Бердымухамедовым щыхуэза зэIущIэм. ПрезидентитIым Iэ традзащ Урысеймрэ Тыркумэн республикэмрэ я зэхущытыкIэр нэхъ кууж щIыным теухуа декларацэм. 
 «Нобэ Тыркумэным Урысейм къыщещэху автомашинэ, хымрэ уафэмрэ зэрыщызекIуэ Iэмэпсымэхэр, - жиIащ Бердымухамедов зэIущIэр щекIуэкIа Малахит хьэщIэщым къыщыщыпсалъэм. – Апхуэдэ дыдэу дэри урыс компаниехэм Iэмал ядот ди деж я хьэпшыпхэр щащэну. Нобэрей зэIущIэр си щхьэусыгъуэу, сыхуейт Тыркумэным уезгъэблэгъэну», - зыхуигъэзащ щIалэм УФ-м и Президентым. 
И чэзур къэсмэ, Тыркумэным хьэщIапIэ зэрыкIуэнумкIэ къигъэгугъэу икIи и IэнатIэщIэм тригъэгушхуэу, Путин Владимир хьэщIэм «Зэныбжьэгъугъэм и орден» тыгъэ хуищIащ. 
 «Дэ адэкIи дыхьэзырщ Тыркумэнми ныбжьэгъугъэкIэ дызэпха адрей къэралхэми дадэлэжьэну, - жиIащ Путиным. – Мэзкуу форматым хеубыдэ Урысейр, Индиер, Ираныр, США-р, Китайр, Пакистаныр, Курыт Азием щыщ республикитхур. Зи цIэ къисIуа къэралхэм Афганистаныр зэфIагъэувэжыныр я пщэ далъхьэжащ. ИтIани, дэ дызэреплъымкIэ, абыкIэ жэуаплыныгъэ нэхъ ин зыхьыр, псом хуэмыдэу мылъку и лъэныкъуэкIэ, США-рщ. Америкэр Афганистаным илъэс 20-кIэ зэритарщ а къэралыр щыхупIэм бгъэдэзышар». 
 «Си гуапэ мэхъу, - къыхигъэщащ УФ-м и Президентым, - Урысеймрэ Тыркумэнымрэ зэкъуэту коронавирус узым зэрыпэщIэтри.
Президентым игу къигъэкIыжащ Урысейм Тыркумэным «спутник V» вакцинэм и бжыгъэшхуэ зэрыригъэшар, пщIэншэу иратахэри хэту. Бердымухамедовми, фIыщIэм къыдэкIуэу, жиIащ илъэсыр къызэрихьэрэ сымаджэ зэрамыIэжыр. 
Путин Владимир сэлам гуапэ хуигъэхьыжащ Сердар зи пIэ иува и адэ Бердымухамедов Гурбангулы.

КЪУДЕЙ Iэминэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)