ЗЫХУЕЙ ПСОМКIИ КЪЫЗЭГЪЭПЭЩАУЭ

Сабийхэм я гъэмахуэ зыгъэпсэхугъуэр къызыхуэтыншэу къызэгъэпэщыным, а лъэхъэнэр цIыкIухэм нэгузыужьу, гукъинэжу ирахьэкIыным къэрал гулъытэ егъуэт. Гъэмахуэр зэрыщIидзэрэ нобэ махуэ еплIанэу арами, Къэбэрдей-Балъкъэрым и санаторэхэмрэ сабий лагерхэмрэ хуэхьэзырщ ныбжьыщIэхэм абыхэм зыщрагъэгъэпсэхуну, я узыншагъэр щрагъэфIэкIуэну. Апхуэдэ IуэхущIапIэ куэдым я бжэхэр хуиту хузэIуахакIэщ ди щIыналъэм и цIыкIухэм.

Сабийхэр хъумэным и дунейпсо махуэр гъэлъэпIэным хуэгъэпса лэжьыгъэхэм хэту, Бахъсэн районым къыщызэIуахащ гъэмахуэ лагерхэм ящыщ зыбжанэ. ГуфIэгъуэ щытыкIэм иту лэжьыгъэр щаублащ Къулъкъужын Ипщэм дэт курыт школ №2-м и «Вагъуэ цIыкIу», ХьэтIохъущыкъуей жылэм Куэтэншы ТIалэ и цIэр зэрихьэу дэт курыт школ №3-м и «Зыгъэпсэхугъуэ хьэлэмэтхэм я IуэхущIапIэ» («ШИК») махуэрылажьэ лагерхэм. Абыхэм махуэ 21-кIэ екIуэлIэнущ япэ зыгъэпсэхугъуэ зэманым абы щыIэну зезыгъэтха сабий 94-рэ.

Зи ныбжьыр илъэси 6-м къыщыщIэдзауэ I5-м нэс ныбжьыщIэхэм ящыщ дэтхэнэми зыгъэпсэхугъуэр гукъинэж щыхъуным йолIалIэ гупхэм яхэт гъэсакIуэхэр, егъэджакIуэхэр. Я ныбжьрэ дэзыхьэхрэ елъытауэ, сабийхэм папщIэ мэлажьэ гупжьей зэмылIэужьыгъуэхэр. ЦIыкIухэм я зыгъэпсэхугъуэм тещIыхьауэ егъэджэныгъэмкIэ район IэнатIэм программэ хэха иубзыхуащ. Абыхэм къыщыгъэлъэгъуащ сабийхэм драгъэкIуэкIыну лэжьыгъэхэр: я нэгу зегъэужьынри, я къэухьым, зэхэщIыкIым хэгъэхъуэнри, эстетикэ, хэкупсэ гупсысэхэм хуэущиинри.

 Лагерхэм щагъэзащIэ сабийхэм я шынагъуэншагъэр къызэгъэпэщыным епха Iуэхугъуэ псори.

ТАМБИЙ Линэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)