Къабарты-Малкъар Республиканы Башчысы Казбек Коков Москвада бардырылгъан кенгешге видеоконференцсвязь амал бла къатышханды. Анда Шимал-Кавказ федерал округну регионларында жашагъанланы санитар-эпидемиология болумларыны соруулары сюзюлгендиле. Жыйылыу РФ-ни Президентини СКФО-да толу эркинликли келечиси Юрий Чайканы эм Роспотребнадзорну башчысы Анна Попованы башчылыкъларында ётгенди.

Шёндюгюлю эпидемия болум бла байламлы халны юсюнден округну учрежденияларыны таматалары айтхандыла.  Кенгешни чеклеринде эпидемиология надзорлукъну къурау соруулагъа, дагъыда Шимал-Кавказ федерал округда профилактика эм эпидемиягъа къажау амалланы бардырыугъа эс бурулгъанды.

Къабарты-Малкъар Республикадан кенгешге КъМР-ни Правительствосуну Председателини орунбасары Марат Хубиев эм Роспотребнадзорну КъМР-де Управлениясыны оноучусу Жирослан Пагов да къошулгъандыла.