Прохладный шахарда устаз Сусана Чолакова эки жыл мындан алда пионер организацияны жангыдан къурагъанды. Жыл сайын организациягъа жангы адамла къошханлай турады.

Онтогъузунчу майда уа Нальчикде Абхазия майданда, республикада компартияны келечилери да къатышып, пионер организацияны 100-жыллыгъына аталып жыйылыу болгъанды. Анга республиканы кёп жерлеринден пионерле къатышхандыла.

Анда компартияны Къабарты-Малкъарда бёлюмюню таматалары да болгъандыла эм сёлешгендиле. Пионерлени юбилейлери бла алгъышлагъандыла, жюзге жууукъ сабийни организациягъа алгъандыла. Андан сора Сабий эм жаш тёлю чыгъармачылыкъны айнытхан арада сабий концерт болгъанды. Анга пионерледен сора да, устазла, атала, анала къарагъандыла.

Османланы Хыйса.