МАХУЭШХУЭ ЗЕКIУЭМ ЗЫХУАГЪЭХЬЭЗЫР

Къэбэрдей-Балъкъэрым и къэралыгъуэр илъэси 100 зэрырикъум ирихьэлIэу къызэрагъэпэщыну махуэшхуэ зекIуэм ехьэлIа Iуэхугъуэхэм тепсэлъыхьыну Бахъсэн къалэм щIыпIэ унафэр щызехьэнымкIэ и IуэхущIапIэм и унафэщI Мамхэгъ Хьэчим IуэхущIапIэхэмрэ къудамэхэмрэ я унафэщIхэм иджыблагъэ яIущIащ.

ЗекIуэм хэтынухэр къызэрырагъэблэгъэну щIыкIэм, шухэм къызэпачыну гъуэгур зыхуэдэмрэ и убзыхукIэ хъунумрэ, шууейхэм я бжыгъэр къыщалъытэ щIыпIэр зэрыгъэнэхуапхъэм, Iуэхугъуэм епха гуфIэгъуэ дауэдапщэхэр къызэрызэгъэпэщыпхъэм щытепсэлъыхьащ зэIущIэм. Мамхэгъ Хьэчим зекIуэм епха унэтIыныгъэхэмкIэ жэуап зыхьхэр игъэнэхуащ, дэтхэнэми пщэрылъ пыухыкIахэр яритащ.

Къэралым щызекIуэ хабзэхэм япкъ иткIэ, махуэщI зекIуэр къызэгъэпэщыным епха Iуэхугъуэхэм щытепсэлъыхьауэ щытащ КъБР-м и Iэтащхьэм и Администрацэмрэ КъБР-м Мэкъумэш хуэIухуэщIэхэмкIэ и министерствэмрэ. Жэрдэмыр лъэныкъуэ псомкIи зэпкъраха нэужь, зекIуэр фокIадэ мазэм и япэ махуэхэм ирагъэкIуэкIыну траухуащ.

ЗекIуэм къалэн зыбжанэ зыхуегъэувыж. Абыхэм ящыщщ «Адыгэ фащэ зыщыгъ цIыху куэд зыхэта зекIуэ ин» зи фIэщыгъэ рекордыр игъэувыну, адыгэшым и цIэр нэхъри къиIэтыну, адыгэхэм, Къэбэрдей-Балъкъэрым, Кавказ Ищхъэрэм щыпсэу лъэпкъхэм я щэнхабзэхэм я пщIэр къыдихыну, щIыналъэм щыпсэу лъэпкъхэм я зэныбжьэгъугъэр игъэбыдэну зэрыхущIэкъур.

ГуфIэгъуэ зекIуэр зы махуэщ зэрекIуэкIынур, къыщыдахынури 2022 гъэм фокIадэм и 4-рщ. ЗекIуэлIхэр къыщызэхуэсыну траухуэр Дыгулыбгъуей къуажэкIэрщ (Сыжажэ Мухьэмэд и цIэр зезыхьэ уэрам, 2, Чырбыш заводым пэблагъэу). ЗекIуэм хэтынухэр пщэдджыжьым сыхьэти 9-м къызэхуэсыну траубыдащ, щежьэнур сыхьэт 11-рщ. Гъуэгу хахамкIэ зекIуэр Дыгулыбгъуей къуажэкIэм къыщожьэри, Хэку зауэшхуэм хэкIуэдахэм я фэеплъыр зытет 910-нэ ЛъагапIэкIэ зэджэм блокI, адэкIэ МахуэгъэпскIэ къыдохьэ. Гъуэгум километр 25-рэ и кIыхьагъынущ.

ЗекIуэм хэтыну гупыж зыщIхэр щIэупщIэ хъунущ мы телефонхэмкIэ: 8-928-705-59-55, 8-928-715-88-02, 8-903-491-55-77. Апхуэдэу утхэ хъунущ мы майл-хэщIапIэми: admbaksan@mail.ru

ЩХЬЭЩЭХУЖ Инал.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)