МАРИЕ И СУРЭТ ТЕЛЪЫДЖЭХЭР

Налшык и «Малахитовая шкатулка» арт-салоным щагъэлъагъуэ Москва щыпсэуа, илъэс зыбжанэ ипэкIэ ди республикэм къэIэпхъуэжа, УФ-м и СурэтыщIхэм я зэгухьэныгъэм хэт, усакIуэ, альпинисткэ Загорская Марие и лэжьыгъэхэр. Къыхэгъэщыпхъэщ, Къэбэрдей-Балъкъэрым ещанэу Марие и сурэтхэр зэрыщагъэлъагъуэр. Выставкэр и жэрдэмщ КъБР-м и СурэтыщIхэм я зэгухьэныгъэм и унафэщI Къаныкъуэ Жаннэ.

Гъэлъэгъуэныгъэм хагъэхьащ Загорская Марие иужьрей илъэсым къриубыдэу ищIа сурэтхэр. Ахэр нэхъыбэу зытриухуар цIыхубз насыпырщ.

Выставкэм ирагъэхьэлIащ Марие и усэхэмрэ Iуэтэжхэмрэ щызэхуэхьэса «Бусины» тхылъыщIэр. Загорскэм ар и ещанэ тхылъщ. И щхьэгъусэ Михаил пшыхьым гитарэкIэ щигъэзэщIащ Марие и псалъэхэр зыщIэлъ уэрэдхэр.

Налшык щхьэусыгъуэ гуэркIэ къэкIуэн хуей хъуащ Марие: шы спортымкIэ паралимп зэгухьэныгъэм зэрыхэтым къыхэкIыу, нэхъапэIуэкIэ пIалъэ кIыхькIэ Москва ибгынэртэкъым», ауэ и щхьэгъусэ Михаил Налшык къэIэпхъуэн хуей хъуати, фэтэр къащтауэ щIэсщ. ПсэупIэр къыщыхахым нэхъыбэу зытращIыхьар щхьэгъубжэм укъыдэплъым дахагъэм Iуплъэну зэрыхуейрт, сурэтыщIым, усакIуэм я дежкIэ абы мыхьэнэшхуэ иIэщи.

- ПщIыхьэпIэ щхъуэкIэплъыкIэхэр си нэгу щIокI. Ахэр сигу изоубыдэри, тхылъымпIэм щызощI, - жеIэ Загорскэм.

СурэтыщI Аккизовэ Имарэ и псалъэм къыхигъэщащ пIалъэкIэ зэпыуа нэужь, арт-салоным и лэжьыгъэр зэраублэжыр, щIэх-щIэхыурэ выставкэ щIэщыгъуэхэр икIи гъэщIэгъуэнхэр зэрыщекIуэкIынур.

Къаныкъуэ Жаннэ жиIащ куэд щIауэ ицIыху Марие гъуазджэмкIэ иIэ зэфIэкIыр зэрыгъэщIэгъуэныщэр, ар щIэ куэдым зэрытегушхуэр.

Тхыгъэри сурэтхэри ТЕКIУЖЬ Заретэ ейщ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)