|
|
Александр Матовников республикада спортну айнытыугъа баш магъана берилгенини юсюнден ыразы болуп айтханды
12 марта, 2019 - 09:01
Тюнене КъМР-ге ишчи жумуш бла РФ-ни Президентини Шимал-Кавказ федерал округда толу эркинликли келечиси Александр Матовников келгенди. Ол КъМР-ни Башчысыны къуллугъун болжаллы халда толтургъан Казбек Коков бла бирге Нальчикде Ленин проспект бла Балкарская орам бирге къошулгъан жерде ишленнген спорт комплексни болуму бла шагъырейленнгендиле. Жангы объектде болурдан алгъа уа ала «Универсальный спорт комплексде» жараула эте тургъан гимнастла эм дзюдочула бла тюбешгендиле, ала бла къысха ушакъ этип, жетишимле тежегендиле.
Къонакъла саулукълары осал болгъан спортчулагъа адаптивный школну иши бла да танышхандыла. Аны баш тренери Александр Кулюшин анда сокъурла, сангыраула эмда къымылдау аппаратлары къыйнагъан сабийле юйреннгенлерин, алагъа спортну 7 тюрлюсюнден жараула къуралгъанларын билдиргенди. «Ол санда паралимпий тюрлюлери да бардыла. Биз баш магъананы спортчуларыбызны саулукъларына бурабыз, алай аланы жетишимлери да аз тюйюлдюле»,-дегенди ол.
Александр Матовников бла Казбек Коков алайда садакъдан атыучу Ахмет Кишев бла шагъырей болгъандыла. Жаш спортчуну аты бюгюнлюкде республикадан тышында да белгилиди. Ол Казбек Коковха садакъ саугъалагъанды.
Ызы бла къонакъла жангы объектде - «КъМР-ни жыйымдыкъ командаларын хазырлау арада» - болгъандыла. Анда уа спортну команда тюрлюлери, тутушуу, теннис, фитнес бла да кюреширча онгла бардыла. Алты къатлы мекямны бир жанында КъМР-ни Спорт министерствосу орналгъанды. Анда дагъыда тамата тренерлеге, тюрлю-тюрлю эришиулеге келген спортчулагъа къонакъ юй да къуралгъанды. 2,3,4 адам сыйынырча отоула мебель, башха керекле бла жалчытылыныпдыла, битеу да бирге уа анда 120 адамгъа жер барды.
Алагъа къарагъандан сора Александр Матовников бла Казбек Ковов ашхананы жокълагъандыла. Мында уа аланы белгили спортчула, тренерле да сакълай эдиле. Аланы алгъышлай, полпред республикада спортну айнытыугъа баш магъана берилгенин чертгенди. «Бюгюнлюкде КъМР-де 860-дан аслам тренер ишлейдиле, ол а иги кёрюмдюдю. Апрельде уа республикада аскер къол тутушдан чемпионат бардырыллыкъды, мен да анга бек сюйюп къарарыкъма»,-дегенди ол.
Полпред республикада спорт инфраструктура айныгъанын, жангы объектде 450-ден аслам спортчу жараула бардыраллыкъларын белгилеп, жыйылгъанланы аны бла алгъышлагъанды. «Къабарты-Малкъардан жетишимли спортчула чыкъгъандыла, сиз эм тренерле да жаш тёлюню ызыгъыздан тизип, аланы юйретиуге жууаплысыз»,-дегенди ол.
Казбек Коков а мындан ары да республикада спортну айнытыргъа муратла салыннганларын, жаш тёлюге ышаныулукъ уллу болгъанын чертгенди.
 |
16.04.2024 - 08:26 Арт кезиуде бизни сахнабызда фахмулу, ариу ёнлю жаш жырчыланы саны кёбейгенди. Аллай хунерлиледен бириди Жуболаны Жамбулат. Ол Саратовда Л.В. |
 |
16.04.2024 - 08:24 Бу кюнледе Къазанны «АкБарс» спорт арасында каратеден кубок бардырылгъанды. Анга Россейни 48 регионундан бла дагъыда 10 къыралдан 2160 спортчу къатышхандыла. |
 |
16.04.2024 - 08:23 «Рамаданны кубогу» деген ат бла «Нальчик» спорт арада самбодан 2012-2014 жыллада туугъан жашчыкъланы араларында самбодан республикалы эришиу бардырылгъанды. |
 |
15.04.2024 - 16:04 Бюгюнлюкде Къабарты-Малкъарда транспортну мурдорунда маммограф, флюорограф комплекследен 13-сю, эм тогъуз да фельдшер-акушер пункт ишлейдиле. |
 |
15.04.2024 - 12:53 Жаланда таматала угъай, сабийле да къыйналадыла шёндюгю дунияда. Хар болгъан ишни юсюнден интернетде он тюрлю оюм басмаланады, ала къайсына ийнаныргъа билмейдиле. |
|
