«Урысейм Абхъаз Республикэмрэ Осетие Ипщэ Республикэмрэ щхьэ­хуиту къызэрилъытэрэ илъэсипщI зэрырикъур шыщхьэуIум и 26-м Сыхъумрэ Цхин­валрэ щагъэлъапIэ. Абы мыхьэнэшхуэ иIэщ хэгъэгуитIыр ­дунейпсо ­хуитыныгъэ зиIэ къэралы­гъуэу зэры­зэфIэувамкIэ.

ЗЭРЫЗАХУИГЪЭЗАР

Тхьэмахуэ блэкIам дэ­нэкIи щекIуэкIащ шы­щхьэуIу зэIущIэхэр. Республикэпсо пленарнэ зэ­хуэсышхуэм и пэ къихуэу ди щIыналъэм щызэхэтащ абы хыхьэ район, къалэ IэнатIэхэм къы­зэ­щIаубыдэ IуэхущIапIэхэм я лэжьакIуэхэм я зэIущIэхэр.

Кавказ Ищхъэрэм ис щIа­лэгъуалэм я щIыналъэпсо зэхыхьэу Мэшы­къуэ бгы лъапэм деж ­къы­щызэрагъэпэщам лэ­жьы­гъэ купщIафIэ къыщ­рахьэлIащ. КИФЩI-м хы­хьэ субъекти 7-м, ап­хуэдэуи ди къэралым и нэгъуэщI щIыпIэхэм, ­Тыркумэным, Осетие Ип­щэм я лIыкIуэ щIалэ­гъуалэр жыджэру хэтащ «Мэшыкъуэ-2018» форум иным.

Бахъсэн къалэ округым и щIыналъэ ­администрацэм и Iэтащхьэ Мамхэгъ Хьэчим шыщхьэуIум и 23-м иригъэкIуэкIа зэIущIэр теухуауэ щытащ Адыгэхэмрэ  Къалэм и махуэхэмрэ зыхуэгъэ­хьэ­зы­ры­ным. Абы кърихьэлIащ къалэм и Iэтащ­хьэм и къуэдзэхэр, админист­рацэм и лэжьакIуэхэр, хабзэхъумэ ор­ганхэмрэ цIыху­бэ хъыбарегъащIэ Iуэху­щIа­пIэ­хэм­рэ я лIыкIуэхэр.

КъБР-м и Правительствэм и УнафэщI Мусуков Алий дыгъуасэ иригъэкIуэкIа зи чэзу зэIущIэм Iуэхугъуэ 21-м щы-хэплъащ.

А фIэщыгъэм щIэту Налшык,   ХьэтIохъущокъуэм и  жыг хадэм, дыгъуасэ Iуэху дахэ щекIуэкIащ. УФ-м и къэрал ныпым и махуэм къызэрагъэпэща дауэдапщэм хэтащ школакIуэхэр, волонтёрхэр, студентхэр, нэгъуэщI къалэдэсхэри.

Кавказ Ищхъэрэм ис щIалэгъуалэм я щIыналъэпсо зэхыхьэу Мэшыкъуэ бгы лъапэм деж къыщызэрагъэпэщам и езанэ пIалъэм и лэжьыгъэр и кIэм нэблэгъащ. Иужьрей махуэхэр зи щIалэ­гъуэхэм купщIафIэу, хьэлэмэту ягъэкIуащ. Абыхэм хьэщIэ лъапIэхэр къахуэкIуащ, щIы­пIэ зэмылIэужьыгъуэхэм я лIы­кIуэ­хэм къызэрагъэпэща творческэ утыку цIыкIу­хэми я лэжьыгъэхэм пащащ.

Къэбэрдей-Балъкъэрым мы махуэхэм щыIэщ «Альманах. Образы мира. Адыги» хэзыгъэгъуазэ проектым и тхьэмадэ, лъахэхутэ, тхакIуэ цIэрыIуэ Осташкэ Андрей зи пашэ, Кърым ­Республикэм и къалэ зэмылIэужьы­-гъуэхэм щылажьэ журналистхэр зыхэт гупыр.

Мы проектыр Путин Владимир и пащхьэ щралъхьащ «Мэшыкъуэ-2018» щIалэгъуалэ зэхыхьэм. Президентым абы теухуауэ жиIащ: «Хуабжьу мыхьэнэшхуэ зиIэ Iуэхущ».