Урысей гвардием Къэбэрдей Балъкъэрым щиIэ управленэм иджыб­лагъэ Iуэху гуапэ щекIуэкIащ. Лъы щат республикэ станцым и ­дохутыр нэхъыщхьэ ЛъэнкIэпIашэ Русланрэ къудамэм и унафэщI Дудар Азэрэ «Урысейм щIыхь зиIэ и донор» цIэр зэрыфIащэм щыхьэт техъуэ тхылъ­хэр иратыжащ полицэм и капитанхэу Гъэунэ Аслъэнбийрэ Жэ­мыхъуэ Зауррэ. Абыхэм 40-м щIи­гъурэ лъы ятащ.

Мы гъэм илъэс 15 мэхъури, ди къэралым щагъэлъапIэ Гъэса­кIуэм­рэ школ кIуэгъуэ ныбжьым нэмысахэм ядэлажьэ IэщIагъэлIхэмрэ я махуэр. Къэрал зыужьыныгъэм и дежкIэ мыхьэнэшхуэ зиIэ а IэнатIэм и щытыкIэм иджыри зэ гу лъозыгъатэ махуэшхуэщ ар, сыту жыпIэмэ хэкум къихъуэ щIэблэм ябгъэдэлъ гупсысэмрэ дуней еплъыкIэмрэ, яIэ гъэсэныгъэмрэ щIэныгъэмрэ куэд елъытащи.

Iуащхьэмахуэ лъапэ щекIуэкIащ нейрохирургием и нейрореабилитацэмкIэ IV дунейпсо щIэныгъэ-практикэ конференц. Абы хэтащ Кавказ Ищхъэрэ щIыналъэм хыхьэ республикэхэм я лIыкIуэхэу ­дохутыр 200-м щIигъу.

Зэхуэсым къригъэхьэлIащ цIыхухэр егъэджэным илъэс куэдкIэ хьэлэлу хуэлэжьа Молэ Лиуан, КъБР-м ЦIыхухэр егъэджэнымкIэ, щIэныгъэмрэ щIалэгъуалэм я IуэхухэмкIэ и министерствэм и щIалэгъуалэ центрым и къудамэм и унафэщI Къумыкъу Каринэ, КъБР-м и Парламентым и УнафэщIым и къуэдзэм и дэIэпыкъуэгъу ДыщэкI Эльвирэ, Бахъсэн щIыналъэм егъэджэныгъэмкIэ и управленэм и методист АфэщIагъуэ Маритэ, Къэбэрдей-

Къэрал кIуэцI IуэхухэмкIэ министр полицэм и генерал-лейтенант Ромашкин Игорь «Полицей дядя Стёпа» урысейпсо зэпеуэм и республикэ Iыхьэм щытекIуахэм яритащ фIы­щIэ тхылъхэмрэ саугъэтхэмрэ. Урысей МВД-м и щIы­налъэ IэнатIэхэмрэ абы-хэм ядэ­лажьэ жылагъуэ ­советхэмрэ зэщIыгъуу илъэс къэс ирагъэкIуэкI урысей­псо зэпеуэр хуэу­нэтIащ полицэм и лэ­жьы­гъэм и мы­хьэнэр цIыху­хэм зыхегъэщIэным.

УФ-м и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Матов­ников Александр гъубж кIуам лэжьыгъэ IуэхукIэ Къэбэрдей-Балъкъэрым къэ­кIуащ. КъБР-м и Iэтащхьэм и къалэнхэр пIалъэкIэ зыгъэзащIэ КIуэ­кIуэ Казбекрэ абырэ щы­Iащ КъэхъукъащIэ шынагъуэхэмкIэ медицинэмрэ медицинэ дэIэпыкъуэгъу псын­щIэмкIэ Къэбэрдей-Балъкъэр центрым.

Урысей Федерацэм и Прокурор Нэхъыщхьэм и къуэдзэ Демешин Дмитрий КъБР-м и прокуратурэм щылажьэхэм иджыблагъэ яригъэцIыхуащ Урысей Федерацэм и Президент Путин Владимир а IуэхущIапIэм и унафэщIу игъэува Хабаров Николай.

Адыгэ, балъкъэр лъэпкъхэм я щэнхабзэм зиужьыным хэлъхьэныгъэшхуэ хуэзыщIа цIыху щэджащэхэу ПащIэ Бэчмырзэрэ Мечиев Кязимрэ я сурэтхэр иджыблагъэ дахащ Европэм и къурш нэхъ лъагэ дыдэ Iуащхьэмахуэ. Ар усакIуэхэм я юбилейхэр гъэлъэпIэным хыхьэу къызэрагъэпэща Iуэхут.

ЩIыналъэ администрацэм щызэхалъхьэжащ Бахъсэн районым хыхьэ жылэхэр гъэкъэбзэным, зэIузэпэщ щIыным, щхъуантIагъэхэр щыхэсэным хуэунэтIауэ ирагъэкIуэкIа мазитI лэжьыгъэм кърикIуахэр.

Урысей Федерацэм футболымкIэ и премьер-лигэм 2009 гъэм еплIанэу Къэбэрдей-Балъкъэрым и командэр щыджэгуащ. Япэрей зэхьэзэхуэхэм я пэщIэдзэхэм IэщIагъэлIхэм зэпымыууэ зыжьэу щыжаIэрт «Спартак-Налшыкыр» къыкIэрыхухэм яхэтыну. ТегъэщIапIэхэри я куэдт - мылъкур я мащIэщ, футболист, тренер цIэрыIуэхэр яIэкъым, нэгъуэщIхэри.