Лэжьыгъэ IуэхукIэ Шэджэм районым щыщыIам КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек район администрацэхэм я уна­фэщIхэр кърихьэлIэу иригъэкIуэкIащ цIыхухэр зэблэу къыхэмыкIыу псыкIэ къызэгъэпэщыным теухуа зэIущIэ.

Ди къэралышхуэм и дэнэ щIыпIи хуэдэу, ди республикэм и еджапIэ нэхъыщхьэхэм, курыт щIэныгъэрэ IэщIагъэрэ щызрагъэгъуэтхэм мэкъуауэгъуэм и 20-м яублащ студентхэр къызэращтэнум епха Iуэхугъуэхэр.

КIуэкIуэ Казбек дыгъуасэ Шэджэм щригъэкIуэкIащ республикэм Террорым пэщIэтынымкIэ щыIэ комиссэм и зэIущIэ. Абы щытепсэлъыхьащ жы­лагъуэ шынагъуэншагъэр къызэрызэгъэпэщам, гъэсыныпхъэ-энергетикэ IэнатIэм хиубыдэ IуэхущIапIэхэр, санаторэхэмрэ курортхэмрэ, апхуэдэу цIыху куэд щызэхыхьэ щIыпIэхэр террорым и шынагъуэм щыхъумэнымкIэ зэфIагъэкIхэм.

Налшык къалэм Профсоюзхэм я унэм иджыблагъэ щекIуэкIащ КъБР-м и МэкъумэшыщIэ (фермер) хозяйствэмрэ мэкъумэш кооперативхэмрэ я ассоциацэм и отчёт-хэхыныгъэ зэIущIэ. Абы ­кърихьэлIащ Къэбэрдей-Балъкъэрым и муниципальнэ районхэм я мэ­къумэш лэжьакIуэу 100-м щIигъу.

«Ford Epic Israel» зи фIэщыгъэ дунейпсо лъакъуэрыгъажэ зэхьэзэхуэм мы гъэм Израилым щыпсэу адыгэ щIалэ 16 хэтащ.
Мы зэныкъуэкъур илъэс къэс хамэ къэрал зэмылIэужьыгъуэхэм щокIуэкI - Иджы ар Израилым къылъысащ. ­Лъакъуэрыгъажэм тесхэм къыщажыхьащ Иерусалим - цIыхубэм лъапIэу ­ялъытэ щIыпIэхэм я Iуащхьэм. Абы цIыху 200-м щIигъу щызэныкъуэкъуащ, тIурытIу загуэшурэ щызэпеуащ.

Сабий, щIалэгъуалэ творчествэмкIэ уардэунэм щагъэлъэгъуащ «Нартхэм я фIыгъуэхэр» Х дунейпсо сабий-ныбжьыщIэ фестиваль-зэпеуэм щытекIуахэмрэ абы и лауреатхэмрэ, «Дети России за мир в Сирии» япэ арт-марафоным хэтахэм я IэдакъэщIэкI нэхъыфIхэр. Утыку къыщрахьахэм ящыщщ КъБР-м щыпсэу Сирием щыщ ди лъахэгъу ныбжьыщIэхэу зэпеуэм и лауреатхэмрэ дипломхэр зыхуагъэфэщахэмрэ я IэдакъэщIэкIхэр.

Дзэ щIыхьым и къалэ Налшык, мэкъуауэгъуэм и 22-м пщэдджыжьыр сыхьэтиплIым ЩIыхьым и мафIэ мыужьыхым и деж щекIуэкIащ Фэеплъымрэ щыгъуэмрэ я махуэм теухуа «Фэеплъ шэху уэздыгъэ» урысейпсо Iуэхугъуэм хыхьэ пэкIу.

Курыт школыр къэзыух ныбжьыщIэхэм папщIэ къызэрагъэпэщ гуфIэгъуэ пшыхьхэр, дэнэкIи хуэдэу, ди республикэми мы махуэхэм щекIуэкIащ.
Ику ит щIэныгъэ зэрызырагъэгъуэтамкIэ дэфтэрхэр иратыжащ Къулкъужын Ищхъэрэ къуажэм дэт 3-нэ курыт еджапIэр къэзыух цIыкIухэми.

Уллу Кремль дворецни Георгиевский залында Владимир Путинни башчылыгъында Къырал советни жыйылыуу болгъанды. Ол асламла хайырланнган автомобиль жолланы ызларын игилендириу, жолда жюрюуню къоркъуусузлугъун жалчытыу соруулагъа жораланнганды. Аны ишине Къабарты-Малкъарны Башчысыны къуллугъун болжаллы халда толтургъан Казбек Коков да къатышханды.

Иджыблагъэ Ставрополь щекIуэкIа Кавказ Ищхъэрэ федеральнэ округым и зэпеуэм щызэхагъэкIащ щIыналъэм и цIэкIэ футбол зэхьэзэхуэм хэтынур. Ар зи хьэрхуэрэгъу псоми ефIэкIа Къэбэрдей-Балъкъэрым и ныбжьыщIэхэращ. КIэух зэIущIэм абыхэм хэгъэрейхэр 3:1-уэ хагъэщIащ.