Вильнюс къалэм ще­кIуэкIащ бгырыпх бэ­нэ­кIэмкIэ Дунейпсо кубокыр къэхьыным ехьэлIа зэ­хьэ­зэхуэ. Абы хэтащ къэрал 20-м я спортсмен нэхъ лъэщхэр. Зи хьэлъагъыр килограмм 68-м нэблагъэхэм я гупым щекIуэкIа зэпэ­щIэтыныгъэ гуащIэхэм пашэныгъэр щиубыдащ Къэ­бэрдей-Балъкъэрым щыщ КIэрэф Тамерлан. И хьэрхуэрэгъухэм зы Iэмал яримыту дэтхэнэ зы зэIущIэми шэч къызытумыхьэн те­кIуэныгъэ абы къыщихьащ.

Къэбэрдей-Балъкъэ­рым щыщ спортсмен Бабыгуей Олег щытекIуащ Нэзрэн къалэм щекIуэ­кIа дзюдомкIэ Урысейм и чемпионатым.
«Магас» спорт уардэу­нэм къыщызэрагъэпэща зэ­хьэзэхуэм хэтащ къэралым и щIыналъэ 61-м къикIа дзюдоист 550-м щIигъу.

Иужьрей лъэхъэнэм, хабзэ хъуауэ, щIэныгъэм и унэтIыныгъэ зэмы­лIэу­жьы­гъуэхэмкIэ  дэнэкIи щрагъэкIуэкI къэп­щытэ­ныгъэхэр. КъБКъУ-м тхьэмахуэ блэкIам и кIэухым къыщызэрагъэпэща апхуэ­дэ Iуэхугъуэхэм ящыщщ ИТ-диктантыр, Уры­сейпсо егъэджэныгъэ акцэр.

КъБР-м и Правительствэм дыгъуасэ щекIуэкIа зэхыхьэм республикэм и ­хабзэубзыху орган нэхъыщхьэм и еханэ зэхыхьэгъуэм и депутату хахахэм я щыхьэт тхылъхэр щратыжащ.

СурэтыщI гъуазджэмкIэ музейм фокIадэм и 16 - 29-хэм щекIуэкIынущ Дагъыстэнымрэ Къэбэрдей-Балъкъэрымрэ я сурэтыщIхэм я IэдакъэщIэкI гъэщIэгъуэнхэр щызэхуэхьэса «Кавказым и щIыуэпсыр» гъэлъэгъуэныгъэр.

Налшык дэт гимназие №4-мрэ Къэбэрдей-Балъкъэр къэрал университетымрэ зэгъусэу мы махуэхэм ирагъэкIуэкIащ «Къэ­кIуэнум и дипломатхэр» езанэ щIэныгъэ-практикэ конференцыр. АбыкIэ хъыбар дигъэщIащ университетым и пресс-IэнатIэм.

КъБР-м и Правитель­ствэм и зи чэзу зэIу- щIэм щытепсэлъыхьащ промышленностым, турист-рекреацэ комп­лек­сым, энергетикэм, узын­шагъэр хъумэным, щэнхабзэм ­нэгъуэщI IэнатIэхэм зегъэужьынымкIэ зэфIагъэкIхэм. ЗэIущIэр иригъэкIуэкIащ Къэбэрдей-Балъкъэр Республикэм и премьер-министр Мусуков Алий.

Шэджэм районым и щIыналъэ администрацэм и жэрдэмкIэ Шэджэм къалэм щрагъэкIуэкIащ Терроризмэм ебэнынымкIэ зэкъуэтыныгъэм и махуэм теухуа пэкIу.

Ставрополь къалэм дэт «Ставрополь Арена» спорт-зыгъэсапIэ центрым фокIадэм и 7-8-хэм щекIуэкIащ пауэрлифтингымкIэ урысейпсо зэхьэзэхуэ. Абы хэтащ спортсмен 70-м щIигъу.Килограмми 110-м нэс зи хьэлъагъхэм и хьэрхуэрэгъухэм япэ щищащ, щылъу килограмми 180-рэ къэзыIэта КъБР м щыIэ МВД-м жылагъуэ хабзэр къызэгъэпэщынымкIэ и къудамэм и инспектор нэхъыжь, полицэм и майор Атэбий Марат.

«Спартак-Налшыкым» и фащэр адыгэ ныпым егъэбжьыфIэ.
(Премьер-лигэм дыщыхэта гуимыхуж илъэсхэр. 2007 гъэ)