Зи хэку къэзыгъэзэжахэм я махуэр, Дунейпсо Адыгэ Хасэм Налшык и «Трек» щIыпIэм шы­щхьэу­Iум и 1-м щигъэлъэпIащ.

ЩIэныгъэхэмкIэ Дунейпсо Адыгэ Академием, Дунейпсо, Къэбэрдей Адыгэ Хасэхэм, КъБР-м Узыншагъэр хъумэнымкIэ, ЩэнхабзэмкIэ, ЕгъэджэныгъэмкIэ, щIэныгъэмрэ щIалэгъуалэм я IуэхухэмкIэ и министерствэхэм, Урысейм щыпсэу адыгэхэм я лъэпкъ-щэнхабзэ автономием, «Адыгэ псалъэ» газетым, «Iуащхьэмахуэ» журналым я лэжьакIуэхэм гущIыхьэ ящыхъуащ УФ-м, КъБР-м, КъШР-м, АР-м, Дагъыстэным я цIыхубэ дохутыр, медици

Бадзэуэгъуэм и 31-м Абхъазым и утыкум адыгэ щIалэгъуалэр куэд щIауэ зыпэплъэ «Хэгъэгу джэгушхуэр» щекIуэкIащ.

Адэжь лъапсэм къэзыгъэзэжа адыгэ­хэм я махуэр япэ дыдэу щагъэлъэпIар 1998 гъэращ. Абы щыгъуэщ Косовэ къыщыхъея зауэм къыхашыжа ди лъэпкъэгъухэм ящыщу зы гупышхуэ ди къуэш Адыгэ Республикэм къыщихьэжауэ щытар.

УФ-м и Федеральнэ Зэ­хуэсым и Къэрал Думэм и депутат, «Урысей зэкъуэт» фракцэм и унафэщIым и япэ къуэдзэ Щхьэгуэш Адэлбий бадзэуэгъуэм и 30-м Къэбэрдей-Балъ­къэрым щыпсэухэм щаIущIащ «Урысей зэкъуэт» ­политикэ партым и Уна­фэщIым и цIыхубэ егъэ­блэгъапIэу Налшык щы­Iэм. Ар едэIуащ къыхуэ­кIуа цIыху 11-м я гуныкъуэгъуэхэм.

КъБР-м и Iэтащхьэм и къалэнхэр пIалъэкIэ зыгъэ­защIэ КIуэкIуэ Казбек IущIащ Санкт-Петербург и къэрал филармонием и Академическэ симфоние ­оркестрым и художественнэ унафэщI, «Хэкум и пащ­хьэм щиIэ фIыщIэхэм папщIэ» орденым и нагъыщэ псори зыхуагъэфэща Темыркъан Юрий.

2012 гъэм Лондон щекIуэкIа Гъэмахуэ Олимпиадэм къыщихьа дыщэ медалыр Дунейпсо Олимп комитетым (МОК) къытрихыжащ Узбекистаным и цIэкIэ абы щыгъуэм бэна, иджы Урысей Федерацэм и Къэрал Думэм и депутат Таймазов Артур. Ар иджы къыхуагъэфащэфынущ ди бэнакIуэ цIэрыIуэ Махуэ Билал.

Гуманитар къэхутэныгъэхэмкIэ Къэбэрдей-Балъкъэр къэ­рал институтым бадзэуэгъуэм и 24-м щекIуэкIащ «Фольклор в зеркале времени» пшыхь ­гуапэр. Ар къызэрагъэпэщащ филологие щIэныгъэхэм я ­доктор, профессор, КъБР-м щIэ­ныгъэмкIэ щIыхь зиIэ и лэ­жьакIуэ, институтым адыгэ Iуэ­рыIуатэмкIэ и секторым и щIэныгъэлI нэхъыщхьэ Гъут Iэдэм и ныбжьыр илъэс 75-рэ зэрырикъум и щIыхькIэ.

КъБР-м Къэрал кIуэцI IуэхухэмкIэ щыIэ министерствэм щекIуэ­кIащ коллегием и зэIущIэ. Абы щыхэплъэжащ я лэжьыгъэм кърикIуам.

КъБР-м и Правитель­ствэм и УнафэщI Мусуков Алий яIущIащ УФ-м щIэ­ныгъэмрэ егъэ­джэ­ныгъэ нэхъыщхьэмкIэ и министрым и япэ къуэдзэ Трубников Григорийрэ къэралым и щIэныгъэлI цIэ­рыIуэ­хэм­рэ. Ахэр Къэбэрдей­-Балъ­къэ­рым къэ­кIуащ Урысейм ЩIэныгъэхэмкIэ и академием ядернэ къэ­хутэныгъэхэмкIэ и инс­титутым Бахъсэн щиIэ нейтринэ обсерваторэм щрагъэкIуэкIыну гъэу­нэхуныгъэм хэтын пап­щIэ.