Шэджэм районым щыIэ ОМВД-м и унафэщIхэр я хьэщIащ къэрал кIуэцI IуэхухэмкIэ органхэм я ветеранхэм.

КъБР-м щыIэ Къэрал кIуэцI IуэхухэмкIэ министерствэм щызэхэта коллегием къыщапщытэжащ 2021 гъэм и япэ мазищым я лэжьыгъэм кърикIуахэр. Абы хэтащ министерствэм и унафэщIхэмрэ къулыкъущIэхэмрэ.
ЗэIущIэм къыщыхагъэщащ республикэм и оперативнэ щытыкIэм сыт щыгъуи я нэIэ зэрытетар, къагъэ­сэбэпа Iэмалхэр щхьэпэ ­хъуащ унэтIыныгъэ щхьэ­хуэхэм щытыкIэ зэпIэ­зэ­рытыр щы­зэте­Iыгъэ­нымкIэ.

КъБР-м и Парламентым и УнафэщI Егоровэ Татьянэ депутатхэмрэ республикэм и хабзэгъэув орган нэхъыщхьэм и аппаратым и лэжьакIуэхэмрэ щIыгъуу щэбэт щIыхьэхум хэтащ.

КъБР-м и Iэтащхьэ КIуэкIуэ Казбек Ищхъэрэ флотым и лIыкIуэхэм ящIы­гъуу хэтащ адмирал Головко А. Г. и цIэр зезыхьэ скверым жыгыщIэ цIыкIухэр щыхэсэнымрэ абы и фэеплъым деж удз гъэгъахэр щыгъэтIылъынымрэ теу­хуа Iуэхухэм. Фэеплъыр дзэзешэ цIэры­Iуэм хуагъэувауэ щытащ ТекIуэныгъэ Иныр илъэс 75-рэ щрикъу илъэсым.

БэнэкIэ хуитымкIэ Урысейм и зэхьэзэхуэ Наро-Фоминск щекIуэ­кIащ. Зи ныбжьыр илъэс 16 иримыкъуахэм я зэпэщIэтыныгъэм хэтащ ди бэнакIуэхэри.

Къэбэрдей Адыгэ Хасэм и тхьэмадэ, ЩIэныгъэхэмкIэ Дунейпсо Адыгэ Академием и вице-президент, «Адыгэ псалъэ» газетым и редактор нэхъыщхьэ ХьэфIыцIэ Мухьэмэд и ныбжьыр илъэс 75-рэ зэрырикъур мэлыжьыхьым и 17-м щагъэлъэпIащ «Трек» рестораным. ГуфIэгъуэ пшыхьыр къызэригъэпэщащ Дунейпсо Адыгэ Хасэм и тхьэмадэ Сэхъурокъуэ Хьэутий.

Мэлыжьыхьым и 22-м Москва лэ­жьыгъэ IуэхукIэ щызэIущIащ КъБР-м и Iэтащхьэ КIуэкIуэ Казбекрэ Урысей Федерацэм узыншагъэр хъумэнымкIэ и министр Мурашкэ Михаилрэ. Абы щытеп­сэлъыхьащ Урысейм и Президентым ­Федеральнэ Зэхуэсым Зэрызыхуигъэзам щыубзыхуахэм япкъ иткIэ республикэм узыншагъэр хъумэнымкIэ и IэнатIэм зегъэужьыным хуэгъэза Iуэхухэм.

Магъриб къэралхэм

Тель-Авив щыпсэу адыгэ пщащэ Щхьэлахъуэ Надия художник, режиссёр IэщIагъэхэм ехъулIэныгъэхэр щиIэщ. Абы и Iэдакъэ къыщIэкIа («Зауэм и щIэжьыуэ») фильмыр иджыблагъэ Израилым щекIуэкIа кинофестивалым нэхъыфIу къыщалъытащ. Зи лэжьыгъэр дунейпсо утыку щызыгъэлъагъуэ, илъэс 25-рэ зи ныбжь хъыджэбзыр и IэщIагъэм щыхуеджащ Иерусалим гъуазджэмрэ дизайнымкIэ и университетым.

2020 гъэм кърикIуахэм хэплъэжа иужькIэ Европэм ДзюдомкIэ и федерацэм цIыхухъу гъэсакIуэ нэхъыфIу къилъытащ Урысей Федерацэм и командэ къыхэхам и тренер нэхъыщхьэ Тау Хьэсэнбий. ГуфIэгъуэ щытыкIэм иту а хъыбар гуапэр щагъэIуащ иджыблагъэ Португалием и къалащхьэ Лиссабон щызэхаубла Олимп Джэгухэм ипэ къихуэ ди континетым и бэнакIуэхэм я чемпионатыр къыщызэIуахым.