ДэнэкIи хуэдэу, Бахъсэн рай­оным хыхьэ курыт еджапIэхэм, сабий гъэсапIэхэм я бжэхэр фокIадэм и 1-м къыхузэIуахы­жы-нущ щIыналъэм и ныбжьы­щIэ-хэм. Ахэр гъэ еджэгъуэщIэм зэ­рыхуэхьэзырыр мы махуэхэм къапщытэ а Iуэхугъуэм къыхузэ­рагъэпэща комиссэ щхьэхуэм.

Японием щызэхэт XXXII Гъэмахуэ олимпиадэр зэрекIуэкIым, Урысейм икIахэм абы щаIэ ехъу­лIэныгъэхэм, ди лъэп-къэгъу-лъахэгъухэм спорт зэхьэзэхуэхэм я ­нэхъ ­лъагэм щадэтлъа­гъухэм адэкIэ щыгъуазэ зыдощI.

ШыщхьэуIум и 1-м щIи­дзауэ Урысей псом щокIуэкI мэкъумэш IэнатIэм и къыхэтхыкIыныгъэ цIы­кIур.

Урысей Федерацэм и Правительствэм и Уна­фэщIым и къуэдзэ Новак Александр бадзэуэгъуэм и 29-м Пятигорск къалэм щригъэкIуэкIащ Кавказ Ищхъэрэ федеральнэ ­щIыналъэм социально-эко­номикэ и лъэныкъуэкIэ зегъэужьыным теухуа зэ­IущIэ.

Мелуаниблым зэрынэхьэсу къалъытэ адыгэ лъэпкъыр нобэ къэрал 50-м ­щIигъум щопсэу. Илъэси 150-м щIи­гъуауэ нэгъуэщIхэм яхэс ди ­къуэшхэмрэ шыпхъухэмрэ Iэмалрэ зэфIэкIыу яIэр ирахьэлIэ я бзэмрэ хабзэмрэ яхъу­мэным. Сыт хуэдиз бэлыхь я псэм дэлъу псэуами, абыхэм яху­зэ­фIэкIащ лъэпкъ зэхэщIыкIыр ямыгъэкIуэдыну, къащIэхъуэ щIэблэр зы­щыщ лъэпкъыр ящIэу къагъэхъуну.

«Урысейм и пощт» ФГУП-м и Къэбэрдей-Балъкъэр къудамэм иджыблагъэ щекIуэкIащ абы и лэ­жьакIуэхэмрэ республикэм къы­щы­дэкI газет нэхъыщхьэхэм я уна­фэщIхэмрэ я зэIущIэ. Ар теухуауэ щытащ IэнатIэхэм яку дэлъ зэдэлэжьэныгъэр егъэфIэкIуэным.

ЩIэныгъэ къэхутэныгъэхэр гъунэншэщ. Абыхэм зыщыбгъэгъуазэу ухуежьэмэ, ди хъуреягъкIэ телъыджэ куэд зэрыщыIэр хьэкъ пщохъу. Псалъэм папщIэ, уафэм вагъуэу итыр щIым пшахъуэ налъэу телъым нэхърэ зэрынэхъыбэр гъэщIэгъуэнкъэ?! Мыхэри телъыджэкъэ? ♦Сыбырым щыIэ Байкал гуэлыр дунейм щынэхъ куу дыдэщ.

Дэтхэнэ къэралми и зэIузэпэщыныгъэр къызэралъытэр абы унагъуэмрэ сабийхэмрэ щагъуэт гулъытэм и лъагагъыращ. УФ-м и унафэщIхэр сыт хуэдэ лъэхъэни хущIокъу бын зыпI унагъуэхэм дэIэпыкъуэгъу яхуэхъуну, мылъкукIэ зыщIагъэкъуэну. Абы и щапхъэщ иужьрейуэ къыдэкIа апхуэдэ унафэр.

Адыгэ республикэм щапхъэ пщIыну щхьэпэ Iуэхушхуэ къыщаIэтащ. Адыгейм щыIэ Урысей географие зэгухьэныгъэм и мурадщ КъэкIыгъэхэм я генофондыр хъумэнымкIэ урысейпсо институтым гуэту адыгэ кхъужьей лIэужьыгъуэ къэс паспорт хуагъэхьэзырыну.

Къэзан и «Ак Барс» IэпщэрызауэмкIэ уардэунэм щекIуэкIащ тхэквондомкIэ ныбжьыщIэхэм Европэм и чемпионат. Абы къыщыхэжаныкIащ ди лъахэгъу Апхуд Тимир.
Балигъхэм къищынэмыщIауэ, зи ныбжьыр илъэси 10 - 11, 12 - 14, 15 - 17 хъухэр зэщхьэщыхауэ зэхьэзэхуащ. Къэрал 28-м къикIат спортсмен 600-м щIигъу.