ООН-м и Ассамблее Нэхъыщхьэм и зи чэзу зэхуэсым, 1972 гъэм мэ­къуауэгъуэм и 5-м Швецием и къалащхьэ Стокгольм щызэхэтам, щытепсэлъыхьащ дыкъэзыухъуреихь дунейм къыщыхъу Iуэхугъуэ мыщхьэпэхэу арэзы дызытехъуэнкIэ Iэмал зимыIэхэм. ЩIыуэпсым и щытыкIэм кIэлъыплъыным хуэгъэза япэ программэр (ЮНЕП), къэрал куэдыр иужькIэ арэзы зытехъуар, щызэхагъэувари абы щыгъуэщ.

«Урысейм и Президентым а и пщэ­рылъым республикэм щыпсэу куэдым я дежкIэ мыхьэнэшхуэ дыдэ иIэщ. ЗаконыщIэр хуэщхьэпэнущ ди къалэхэмрэ къуажэхэмрэ зегъэужьыным, цIы­ху­хэм я псэукIэр егъэфIэкIуэным», - къыхигъэщхьэхукIащ КIуэкIуэ Казбек.

Петербург щекIуэкI дунейпсо экономикэ зэхуэсышхуэм щыIэу КъБР-м и Iэтащхьэ КIуэкIуэ Казбек хэтащ «мыхьэнэшхуэ зиIэ зи чэзу Iуэхухэм щытепсэлъы-хьу Урысей зэкъуэт» партым мэкъуауэ­гъуэм и 4-м иригъэкIуэкIа сессием.

Урысей Федерацэм футболымкIэ и япэ дивизионым зыкъыщызыгъэлъагъуэ Песчанокопскэм и «Чайка» командэм илъэситIкIэ хэтыну зэгурыIуэныгъэм Iэ тридзащ «Спартак-Налшыкым» и гъуащ­хьэхъумэныкъуэ щIалэщIэ Iэпщацэ Марат.

Буэнос-Айрес Аргентинэм и щыхьэрщ икIи Америкэ Ипщэм и къалэ нэхъ ­дахэ дыдэхэм ящыщщ. ЦIыху мелуанищым нэблагъэ щыпсэу къалэр Риачуэло псым и ижьырабгъу Iуфэм Iусщ, Атлантикэ хым километр 275-кIэ пэ­жы­жьэу. ЗыплъыхьакIуэ кIуэхэм я нэгу зыщрагъэужьыну щIыпIэхэр мыбы щыгъунэжщ. ­Къалэм дунейр ­щы­хуабэщ гъэ­махуэми щIымахуэми, ауэ зэи дыгъэр щыгуащIэкъым.

Иужь зэIущIэхэм къигъэлъагъуэ джэгукIэм жыжьэуи арэзы къызэримыщIымрэ Къэбэрдей-Балъкъэрым и къалащхьэм накъыгъэм и 10-м къэкIуауэ Краснодар и «Кубань»-м ди командэр бжыгъэшхуэкIэ къызэрыхигъэщIамрэ «Спартак-Налшыкым» и унафэщIхэм къахуигъэуващ гупым и тренер нэхъыщхьэ КIэбышэ Заур трагъэкIыну. Абы и пIэкIэ екIуэкI зэпеуэр иухыхукIэ ягъэуващ Шакъ Ашэмэз.

Сабийхэр хъумэным и дунейпсо махуэм ирихьэлIэу Тэрч къалэ «ЛIыгъэм и дерс» зи фIэщыгъэ, щIалэгъуалэр хэкупсэу къэгъэтэджыным хуэунэтIа Iуэхугъуэ дахэ щекIуэкIащ. ЦIыхуищэм щIигъу зыхэта а зэ­хуэ­сыр къызэзыгъэпэщар Тэрч щIы­на­лъэм щыIэ хабзэхъумэ къулыкъу­щIа­пIэм и лэжьакIуэхэрщ.

Сабийхэр хъумэным и дунейпсо махуэм КъБР-м и Парламентым и УнафэщI Егоровэ Татьянэ депутатхэр и гъусэу щыIащ Прох­ладнэ къалэм дэт сабий унэ-интернатым.

Къэбэрдей-Балъкъэр Республикэм и ­Iэтащхьэ КIуэкIуэ Казбек иджыблагъэ Нарткъалэ щригъэкIуэкIа лэжьыгъэм хэту «Лэгъупыкъу» зи фIэщыгъэ сабий еджапIэми щыхьэщIащ.

Налшык дэт Лъэпкъ музейм иджыблагъэ къыщызэIуахащ сурэтыщI Хъалил Миланэ «Гущэкъу уэрэдхэр» зыфIища и IэдакъэщIэкIхэм я гъэлъэгъуэныгъэ.