Урысейм шы спортымкIэ и федерацэм хъыбар къызэрыдигъащIэмкIэ, Мэзкуу областым хыхьэ Луховицы къалэм и Iэгъуэблагъэм шыщхьэуIум и 13-14-хэм зэхьэзэхуэ зыбжанэ щызэхэтащ: дунейпсо мыхьэнэ зиIэ шыгъажэ кIыхьрэ Мэзкуу областым и чемпионатрэ.
Фигу къэдгъэкIыжынщи, Урысейм шы спортымкIэ и федерацэм къэралым щыщ хэгъэгу 72-рэ къызэщIеубыдэ, унэтIыныгъи 8-кIэ шы зэхьэзэхуэхэр ирегъэкIуэкI.

Налшык къалэ дэт Лъэпкъ музейм «Къэбэрдей-Балъкъэрым и археологие щIэиныр» зыфIаща гъэлъэгъуэныгъэшхуэр къыщызэIуахауэ мы махуэхэм щокIуэкI. Ар къызэрагъэпэщащ Тхыдэмрэ щэнхабзэмрэ я фэеплъхэр хъумэнымкIэ урысейпсо зэгухьэныгъэм ди щIыналъэм щиIэ къудамэм, «ЩIэин» къэрал IуэхущIапIэм, Къэбэрдей-Балъкъэрым Гуманитар къэхутэныгъэхэмкIэ и институтым археологие къэхутэныгъэхэмкIэ и къудамэм.

Туризмэм зегъэужьыным и лъэныкъуэкIэ Урысейм нобэ иIэ зэфIэкIхэр къэгъэнэIуэным хуэгъэпса онлайн -IэIэт ирегъэкIуэкI «Националь Географик» журналым. ЖэрдэмщIакIуэхэм зэрыжаIамкIэ, ар сэбэп хъунущ ди къэралым и зыгъэпсэхупIэ нэхъ дахэхэм, нэхъ цIэрыIуэ хъуахэм я мызакъуэу, туристхэм зыщаплъыхьыну къезэгъ нэгъуэщI щIыпIэхэри егъэцIыхунымкIэ.

Хэку зауэшхуэр зэриухрэ илъэс 80 зэрырикъумрэ Кавказым щхьэкIэ екIуэкIа зэхэуэхэр зэриухрэ илъэс 78-рэ зэрыхъумрэ я щIыхькIэ Iуащхьэмахуэ лъапэ къыщызэрагъэпэщащ «Заоблачный фронт» зыфIаща дзэ-тхыдэ фестивалыр.

Мы илъэсым республикэм и медицинэ IуэхущIапIэ куэдым зыгъэпэщыжыныгъэ лэжьыгъэхэр щIэгъэхуэбжьауэ щокIуэкI. Абыхэм яхэтщ Шэджэм район сымаджэщым и поликлиникэ къудамэри. Ар узыншагъэр хъумэн IэнатIэм япэ дэIэпыкъуныгъэр цIыхухэм щыхуащIэ и IуэхущIапIэхэр къэгъэщIэрэщIэжын программэм хэту ягъэзащIэ лэжьыгъэщ.

Урысейм и Прокуратурэ Нэхъыщ­хьэм КИФЩI-мрэ Ипщэ федеральнэ округымрэ щиIэ Управленэ нэхъыщхьэм и прокурор Усачёвэ Еленэ къызэритамкIэ, Урысей Федерацэм и прокурор нэхъыщхьэм и ­къуэдзэ Кикоть Андрей и унафэм щIэту Мэхъэчкъалэ щекIуэкIащ ­Кавказ Ищхъэрэ федеральнэ округым и хабзэхъумэ, кIэлъыплъакIуэ IэнатIэхэм я унафэщIхэм я зэIущIэ.

Иджыблагъэ кIэщIу фыхэдгъэгъуэзащ унагъуэм, лъагъуны-гъэм, зэхуэпэжыныгъэм и махуэм ирихьэлIэу ирагъэжьа «Унагъуэ» Iуэхум.

Коронавирус узыфэ зэ­ры­цIалэ лIэужьыгъуэ-щIэм зэрыпэщIэт вакцинэр зыхезыгъэлъхьа цIыхухэр зэрагъэпажэ программэм мыгувэу къэралым лэжьэн щыщIидзэнущ. Абы теухуа унафэм Iэ щIидзащ УФ-м и Правительствэм и УнафэщI Мишустин Михаил. ЛотереекIэ ягъэджэгуну ахъшэ саугъэтхэр къахьыну Iэмал иIэнущ зи ныбжьыр илъэс 18-м щIигъуауэ мастэр зыхезыгъэлъхьа дэтхэнэ зыми.

КъБР-м и Iэтащхьэ КIуэкIуэ Казбек хэтащ Къэбэрдей-Балъкъэр Республикэм Террорым пэщIэтынымкIэ и комиссэмрэ Оперативнэ штабымрэ я зэIущIэм.

Дзюдо
Армавир дэт Дзюдомрэ самбэмрэ щыхуагъэхьэзыр олимп центрым иджыблагъэ щекIуэкIащ Урысей щIалэгъуалэм я V гъэмахуэ Спартакиадэр. Абы хэтащ ди къэралым и щIыналъэ 12-м къикIа зи ныбжьыр илъэс 21-м нэблагъэ спортсмени 125-рэ.