КъБР-м и Шэрэдж щIыналъэм щыIэ «Безенги» альплагерым бадзэуэгъуэм и 29 - шыщхьэуIум и 2-хэм къриубыдэу щы­зэхэтынущ «Outdoor Festival Alpindustria Bezengi» фестивалыр, спорт лIэужьы­гъуэ нэхъ гугъухэм хабжэхэмкIэ щызэ­пеуэ­нур.

2005 гъэм жэпуэгъуэм и 13-м Налшык къыщыхъуа гузэвэгъуэм я къулыкъум пэрыту хэкIуэдауэ щытащ лейтенант Къэшэж Эли­нэ­рэ прапорщик Хлопов Сер­гейрэ. КъБР-м и ­УФСИН-м и унафэщI Лыхь Аслъэн Элинэ и адэ Къэшэж Iэбурэ Сергей и анэ Хлоповэ Тамарэрэ фIыщIэ тхыгъэ­хэр яритащ.

Ди республикэм щыщ школакIуэ зыбжанэ щытекIуащ къэралым предмет зэмылIэужьыгъуэхэмкIэ ще­кIуэ­кIа олимпиадэхэм я кIэух Iыхьэхэм. Апхуэдэхэщ 11-нэ классыр мы гъэм къэзыуххэу Абазэ Алим (Тэрч къалэ, курыт школ №2), Бетыгъуэн Амир (Аруан къуажэм дэт курыт школ), Бэрбэч Даянэ (Налшык къалэ, гимназие №14), Хьэмжу Мадинэ (Налшык къалэ, «ДыгъафIэ къалэ»).

КIуэкIуэ Казбек республикэм и Правительствэм хэтхэмрэ муниципалитетхэм я Iэтащхьэхэмрэ хэту бадзэуэгъуэм и 26-м «Хьэмащэ» хъупIэм щригъэ­кIуэкIащ Къэбэрдей-Балъкъэрым Iэщ гъэхъун IэнатIэм зыщегъэу­жьы­ным, гъэ­махуэ хъупIэхэр фейдэ нэхъыбэ къату къэгъэсэ­бэпыным теухуа Iуэхухэм щытеп­сэ­лъыхьа зэIущIэ.

Къэбэрдей-Балъкъэр Республикэм и Iэтащхьэ КIуэкIуэ Казбек Республикэм и Унэм бадзэуэгъуэм и 25-м щахуэзащ я щхьэ IуэхукIэ къыхуэкIуахэм.
КъБР-м и цIыхухэм щIыналъэм и УнафэщIым зыкъыщIыхуагъэзахэм ящыщщ я узыншагъэр, псэупIэр егъэ­фIэ­кIуэным, хуэмыщIауэ псэу, бын куэд щапI унагъуэхэу щытыкIэ гугъу къихутахэм ­защIэгъэкъуэным ехьэлIа Iуэхухэр, нэ­гъуэщI зыгъэпIейтейхэр.

Тыркум и президент Эрдогъан Тайип бадзэ­уэ­гъуэм и 24-м азэн къыщыджащ, КъурIэным щыщ Iэят къыщеджащ, иужь­кIэ жумгьэ нэмэзри щищIащ Истамбыл къы­щызэIуахыжа мэжджы­тышхуэм. Иужьрей илъэс 86-м къриубыдэу апхуэдэ Iуэху а уардэунэм япэу къыщыхъуауэ аращ.

Прохладнэ къалэм бадзэуэгъуэм и ­22-м къы­щызэIуахащ цIыхухэм спортым зыщы­хуагъэсэну, я узыншагъэр щрагъэфIэкIуэну «Олимп» центрыщIэр. Абы ехьэлIа гуфIэ­гъуэ зэIущIэм хэтащ Къэбэрдей-Балъкъэрым и Iэтащхьэ КIуэкIуэ Казбек, щIына­лъэ­хэм, къалэ ок­ругхэм я унафэщIхэр, КъБР-м и Правительствэм и лIыкIуэхэр.

Урысей Федерацэм и Президентым и полномочнэ лIыкIуэу Кавказ Ищхъэрэ ­федеральнэ округым щыIэ ­Чайкэ Юрий бадзэуэгъуэм и 23-м иригъэкIуэкIащ ­КИФЩI-м хыхьэ щIы­налъэхэм я социально-экономикэ зыу­жьыныгъэм теухуа Iуэхухэр щызэп­къраха зэIущIэ.

Видеоконференц мардэм тету КIуэ­кIуэ Казбек иригъэкIуэкIащ Къэ­бэрдей-Балъкъэр Республикэм коронавирусым зыщыщыхъумэ­ным­рэ а уз зэрыцIалэм зэрызиуб­гъум пэщIэтынымкIэ Оперативнэ штабым и зэIущIэ.

Иджыблагъэ Къэрал Думэм ещанэ еджэгъуэкIэ къыщащтащ «Пестицидхэмрэ агрохимикатхэмрэ ­шынагъуэншэу зегъэкIуэным и IуэхукIэ» Федераль­нэ законым и 22-нэ статьям зэхъуэкIыныгъэ хэлъ­хьэным теухуауэ» федеральнэ закон №681101-7-м и проектымрэ «Мэкъумэш унэтIыныгъэ зиIэ щIыхэм къат хъерым къэрал кIэлъыплъыныгъэ иIэным и IуэхукIэ» Федеральнэ законымрэ.