Владимир областым хыхьэ Суз­даль къалэм иджыблагъэ ще­кIуэ­кIа алыдж-урым бэнэкIэмкIэ Урысей Федерацэм и чемпионатым зэфIэкI лъагэхэр къыщагъэл­ъ­э­гъуащ Къэ­бэрдей-Балъкъэрым щыщ спорт­с­менхэм.

Урысей Федерацэм экономикэ зыужьыныгъэмкIэ и ­министр Илюшниковэ Татьянэ видеозэпыщIэныгъэ IэмалхэмкIэ иригъэкIуэкIа зэхы­хьэр триухуат «Хьэрычэт мащIэмрэ курытымрэ, хьэ­рычэтым жэрдэм къыщызыгъэлъагъуэхэм ядэIэпыкъун» лъэпкъ проектыр щIыналъэ­хэм зэрыщагъэзащIэм.

Къэрэшей-Шэрджэсым и щIыпIэцIэхэм ятеухуа ди тхыгъэхэм ящыщ зым къыщыхэдгъэщат иджырей Архъызым и Iэгъуэблагъэм къэрэшейхэр мымащIэу зэрыщитIысыкIар лъахэхутэхэм щхьэусыгъуэ ящIу, абы къедза щIыгум и тхыдэри, фIэщыгъэу узыщрихьэлIэхэри а лъэпкъым и закъуэ ей хуэдэу къыщIрагъэдзыну хуэщIэкъухэр куэд зэрыхъуар.

КъБР-м и Iэтащхьэ КIуэкIуэ Казбек иригъэкIуэкIащ республикэм и Правительствэм хэтхэмрэ щIыналъэ администрацэхэм я Iэтащхьэхэмрэ зыхэта зэIущIэ. Абы нэхъыбэу щытепсэлъыхьащ Донецк, ­Луганск цIыхубэ республикэхэм я цIыхухэу зи псэупIэр IэмалыншагъэкIэ IэщIыб зы­щIахэм ядэIэпыкъун зэры­хуейм ехьэлIа Iуэхугъуэхэм.

Дыгъуасэ «Налшык» гъущI гъуэгу станцым «ТекIуэныгъэм и мафIэгур» къэсащ.

NASA зэгухьэныгъэм (США) хуэлажьэ щIэныгъэлIхэм уахэ жыжьэм и зы плIанэпэм къыщалъэгъуащ вагъуэ гуэрэнышхуэрэ абрагъуэу абдежым щызэхэт къэщIыгъэхэм (галактикэхэм) ящыщу тIум гъунэгъу дыдэ зэрыщызэхуащIар. ЯфIэтелъыджэ хъуа а Iуэхугъуэр зэрекIуэкIым астрономхэр лъыгъуэзащ ЩIым и хъуреягъыр езыр-езыру къэзылъэтыхь спутникым хэт обсерваторэм хащIыхьа Хаббл телескопымкIэ.

Дуней псор зыгъэгулэзу 2019 гъэм къэунэхуа узыфэ шынагъуэм дызыщымыгъуазэ куэд къытхузэдихьащ. Абыхэм ящыщщ «ковидым и лъэужь» зыфIаща щытыкIэр. ЦIыхум узыр пкъырыкIыжами, зэманыфI дэкIыжами, гукъыдэмыжу, гъащIэр фIэмыIэфIыжу мэхъу, уеблэмэ зэрызиукIыжын гупсысэ и щхьэм къизэрыхьу гу лъатащ дохутырхэм. Сыт ар къызыхэкIыр, дауэ зэрагъэхъужыр?

И ныбжьыр илъэс 82-м иту иджыблагъэ дунейм ехыжащ Налшык и «Спартак»-м и гъуащхьэхъумэ цIэрыIуэ Гогибедашвили Заур. Ар куэдым гущIыхьэ ящыхъуащ.
Заур щIэх-щIэхыурэ дыщыхуэзэт «Спартак-Налшыкым» и зэIущIэхэм. Абы фIэфIт журналистхэм я гъусэу джэгум кIэлъыплъын икIи и гукъэкIыж куэдхэм дыщIигъэдэIурт. И фэеплъ нэхур игъащIэкIи ди нэгум щIэтынущ.

ЛIэщIыгъуэрэ ныкъуэрэ и пэкIэ зи хэку зрагъэбгынэу хамэщIым ипхъа хъуа адыгэм и нэхъыбэр щыпсэур Тыркуращи, а къэралыр нэхъ тпэблагъэу къысфIощI, абы и сыт хуэдэ къали ди лъэпкъэгъухэм уащрохьэлIэри. Адыгэ мин 60 хуэдиз зыдэс, Истамбыл километр 700-кIэ пэжыжьэ Къайсэр къалэр адыгэ жылэ хуэдэщ.

Азов хы цIыкIум адыгэхэр зэреджэу щыта псалъэхэм язщ «Азыкъ» жыхуаIэр. Мы псы хъурейм и гугъу щащIкIэ, пасэрей алыджхэм «Меотидэ», «Мэуэт хыжьей» фIэщыгъэхэрат къагъэсэбэпыр, урысхэм «Сурож тенджыз» хужаIэрт.