КIуэкIуэ Казбек иригъэ­кIуэкIа «щIыналъэ сы­хьэ­тым» щытеп­сэлъыхьащ рес­публикэм и эпидемиологие щытыкIэм, лъэпкъ проектхэр зэрагъэзащIэм, нэгъуэщI Iуэхугъуэхэми. Абыхэм ятеу­хуа я еп­лъыкIэхэр зэIущIэм къыща­Iуэтащ КъБР-м и Пра­витель­ствэм и УнафэщI Му­суков Алий, абы и япэ къуэдзэ ­Къуныжь МуIэед, республикэм узыншагъэр хъумэнымкIэ и министр Къалэбатэ Рус­там сымэ.

Бахъсэн къалэм и администрацэм и унэм дыгъуасэ зэIущIэ гуапэ щекIуэкIащ. ЩIы­пIэм и унагъуэщIэ зыбжанэм абы щратыжащ соцальнэ дэIэпыкъуныгъэ къэралым къазэрыритым щыхьэт техъуэ дэфтэрхэр. А мылъкумкIэ зэщхьэгъусэхэм псэупIэ унэ хьэзыр къащэхуми уней лъапсэ ирыра­щIыну къагъэсэбэпми хъунущ.

Урысей Федерацэм и Къэрал Советым и комиссэм, Прави­тельствэм ЩIыналъэхэм зегъэужьыныгъэмкIэ и штабым, ­УФ-м Ухуэныгъэмрэ псэупIэ-коммунальнэ хозяйствэмкIэ и министерствэм и коллегием зэхэту къызэрагъэпэща зэIущIэм хэтащ Къэбэрдей-Балъкъэрым и Iэтащхьэ КIуэкIуэ Казбек.

Адыгэхэмрэ осетинхэмрэ зэпэгъунэгъуу зэрыпсэум нэмыщI, я тхыдэми щэнхабзэми зэгъусэу ягу къагъэкIыжыфын куэд хэтщ. Владикавказ щыщ блогер Пухаев Алик бзищкIэ иригъэкIуэкIа интервьюм иригъэблэгъащ нэхъ пасэу ди газетым щывэдгъэцIыхуа американ адыгэ сурэтыщI Чэгъэду Бэрзэдж.

 УсакIуэ цIэрыIуэ, Къэбэрдей-Балъкъэр АССР-м и Къэрал саугъэтым и лауреат (1973), «Работница» журналым и саугъэтыр (1983) зыхуагъэфэща Къэшэж Иннэ (1944-2000) къыщалъхуа махуэм, мазаем и 12-м, абы и усыгъэр фIыуэ зылъагъухэр щызэхуэсат Налшык къалэм и Къэбэрдей уэрамым усакIуэм щыхуагъэува фэеплъым деж.

Хабзэ

«Уа, спорт, уэ умамырыгъэщ!» - а къыхуеджэныгъэм щIэту зэхыхьэу щытащ игъащIэ лъандэм бзэкIи фэкIи зэтемыхуэ къэралхэм я спортсменхэр Олимпиадэ щекIуэкIкIэ. Пекин щызэхэт щIымахуэ зэхьэзэхуэм Украинэм и хъуреягъкIэ екIуэкI политикэ Iэуэлъауэхэр къызэрыхэзэрыхьам а псалъэхэр пщагъэгъупщэ.

Астрофизикхэм гу зэрылъатамкIэ, 2017 гъэм фокIадэм и 22-м ЩIы Хъурейм пхылъэтыкIащ къаруушхуэ зиIэ нейтринэ цIыкIу.

Ди планетэр зэпымыууэ «къаудыныхь» хуабжьагъышхуэ зиIэу уахэм къилъэтыкI мэскъалхэм, ауэ а махуэм гу зылъатар и «хьэл-щэнкIэ» адрейхэм ещхьтэкъым.

КъБР-м и цIыхубэр сыт щыгъуи я гур хэхъуэу якIэлъоплъ пасэ зэманыр нобэрей дунейм зэребгъэзэгъын Iэмалым хуэIэижь зэпыту, зекIуэ гъунэгъуи жыжьи зэхэзыублэ «Шууей Хасэм» щыщ щIалэхэм. Мазаем и I3 - I4-хэм апхуэдэ зы теплъэгъуэ ди нэгум щIагъэкIащ Тэрч щыпсэу я ныбжьэгъухэм яхуэзэну гъуэгу теува къэбэрдей шухэм.

Къэрэшей-Шэрджэсым къыщызэIуах нэгъуэщIыбзэкIэ щыIэ мульфильмхэр республикэм щыпсэу лъэпкъхэм я бзэхэмкIэ щрагъэтхыну студие.

 А Iуэхум щелэжьынущ Алиев Умар и цIэр зезыхьэ Къэрэшей-Шэрджэс къэрал университетым. КъШР-м и Правительствэм къелъытэ анэдэлъхубзэр нэхъыфIу зэрагъэщIэнымкIэ щIэблэм ар къахуэщхьэпэну.