Туризмэмрэ лъахэхутэм ехьэлIауэ къызэрагъэпэщу «Альтаир» зыфIаща щIалэгъуалэ проектым пщэрылъ зыщищIыжа Iуэхухэр зэпигъэунукъым, ахэр иджыри Къэбэрдей-Балъкъэрым щекIуэкIынущ.

115-нэ Къэбэрдей-Балъкъэр шу дивизэм хэта зауэлIхэм я фэеплъу Тэрч къалэм дэтым деж иджыблагъэ пэкIу ще­кIуэкIащ. Ар траухуат илъэс 79-кIэ узэ­IэбэкIыжмэ, бадзэуэгъуэм и кIэм къы­щыщIэдзауэ шыщхьэуIум ику пщIондэ Ростов областым хыхьэ Мартыновкэ ­районым и тафэхэм щызэуа, зи псэр абдеж щызыгъэтIылъа ди лъэпкъэгъухэр ягу къагъэкIыжыным.

Налшык къалэ клиникэ сымаджэщ №1-м и ухуэныгъэхэм ящыщу къати 8-уэ зэтет унэр коронавирус узыфэ зэрыцIалэм щеIэзэ госпиталу къызэрызэ­Iуахыным хуагъэхьэзыр. Лэжьыгъэр зэрекIуэкIыр зригъэлъэгъуащ КъБР-м узыншагъэр хъумэнымкIэ и министр Къалэбатэ Рустам.

КъБР-м и Iэтащхьэм иригъэкIуэ­кIащ КъБР-м и Правительствэм и УнафэщIым и къуэдзэ Хъубий Маратрэ КъБР-м узыншагъэр хъу­мэнымкIэ и министр Къалэбатэ Рустамрэ зыхэта зэIущIэ. Ар теухуауэ щытащ Республикэ сабий клиникэ сымаджэщыр сыт и лъэны­къуэкIи къы­зы­хуэтыншэу зэгъэ­пэщы­ным теухуауэ къапэщыт лэжьыгъэхэр зэфIэгъэ­хьэным.

Китайм щыщ Цзецзе Инь Урысей Федерацэм къакIуэри, Пермь дэт Къэрал лъэпкъ къэхутакIуэ университетым щIэныгъэ нэхъыщхьэ щызэригъэгъуэтащ. ЗэрыцIыкIурэ литературэм дихьэх щIалэр китай, урыс тхылъ куэд еджащ икIи зригъэпщэн мурадкIэ, и щIэныгъэр Урысейм щыпищэм нэхъ къищтащ.

Хэкумрэ Тыркумрэ къыщинэмыщIауэ, адыгэбзэр щадж Куржым и Тбилиси къэрал университетым, Швецием щыIэ Мальмо университетымрэ Люнд университетымрэ, Голландием и Лейден университетым, Канадэм -МакМастер университетым, Австралием щыIэ Квинсленд университетым, нэгъуэщI къэралхэми.

2021 гъэм бадзэуэгъуэм и 15-м щегъэжьауэ программэ гъэщIэгъуэн яублащ Урысейм и студентхэм къэралым я нэгу зыщрагъэужьыным теухуауэ. УФ-м и Президент Путин Владимир и унафэкIэ, ар иригъэжьащ УФ-м ЩIэныгъэмрэ егъэджэныгъэмкIэ и министерствэм.

Налшык къалэ дэт Лъэпкъ музейм мазэ кIуам гъэлъэгъуэныгъэ дахэ щекIуэкIащ. Америкэм щыпсэу ди лъэпкъэгъу щIалэ Зак Кахадо и Iэдакъэ къыщIэкIа сурэт 18 и хэкужь къишэжри игъэлъэгъуащ. Еплъа псоми телъыджэ ящыхъуащ США-м къыщалъхуа адыгэ щIалэм и гупсысэхэмрэ щыIэкIэмрэ къызэриIуэта сурэтхэр, абы и плъыфэ фIыцIафэ-гъуэбжафэр, лэжьыгъэхэм ящIэлъ гупсысэмрэ «ягъэIу» макъамэмрэ.

Саралъп Мадинэ и Арт-центрым мы махуэхэм щекIуэкIащ «Жан» литературэ хасэм къызэригъэпэща усэ пшыхь.
Иджырейр IыхьитIу гуэшауэ щытащ, япэр хуэгъэпсат гъэмахуэм къалъ­хуа усакIуэхэмрэ гъэ­ма­хуэм теухуауэ ятха усэ нэхъыфIхэмрэ. ЕтIуа­нэр - Абхъаз усакIуэхэу Искандер Фазилрэ Зантарие Владимиррэ яхуэгъэпсат.

Дуней псом тхуэнейрэ и чемпион (тIур щхьэ зытелъ стадионхэм къыщихьащ), Европэм щэнейрэ щытекIуа, Континентхэм я кубокыр тIэунейрэ зыIэрыхьа, НыбжьыщIэхэм я Гъэмахуэ Олимп джэгухэм и дыщэ медалыр къэзыхьа, «Налкъутналмэс лигэм» щэнейрэ щынэхъыфIа, нэгъуэщI лъагапIэ куэди къызэхъулIа, спортымкIэ щIыхь зиIэ и мастер Ласицкене (Кучинэ) Марие дэтхэнэ спортсменми и хъуэпсапIэ нэхъыщхьэр - олимп чемп