КъБР- м и Iэтащхьэ КIуэкIуэ Казбекрэ «Зэчиймрэ ехъулIэныгъэмрэ» щIэныгъэ фондым и унафэщI, «ЩIэныгъэ» лъэпкъ проектым и Жылагъуэ-гъэзэщIакIуэ советым и унафэщI Шмелёвэ Еленэрэ ирагъэкIуэкIащ Гъуазджэм, спортым, егъэджэныгъэмрэ щIэ­ныгъэмрэ зэфIэкI къыщызыгъэ­лъагъуэ сабийхэм зегъэужьыным хуэгъэпсауэ КъБР-м щылажьэ «Антарес» щIыналъэ центрым и Попечительскэ советым и зи чэзу зэIущIэр. 

Къэбэрдей-Балъкъэрым иджы­благъэ щекIуэкIащ ­КъБР-м и цIыхубэ тхакIуэ Нало Ахьмэдхъан Хьэмырзэ и къуэр къызэралъхурэ илъэси 100 зэрырикъуар гъэлъэ­пIэ­ным теухуа Iуэхухэр. Ахэр республикэм и IуэхущIапIэ зэхуэ­мыдэхэми езыр къыщалъхуа Хьэтуей жылэми щызэхэтащ.

«Олимп къуажэ-80»-м щекIуэкIащ Мэзкуу къалэм алыдж-урым бэнэкIэмкIэ и чемпионат. Абы хэтащ Къэбэрдей-Балъкъэрым и щыщ спортсменхэри. Псори зэхэту ди щIалэхэм медаль зэмылIэужьыгъуи 8 чемпионатым къыщахьащ.

ПэщIэдзэ зэIущIэхэр фIы дыдэу езыгъэкIуэкIа КъуийцIыкIу Ахьмэд килограмм 77-м нэблагъэ зи хьэлъагъхэм я кIэух зэIущIэм 5:0-у щыхигъэщIащ мэкуудэс Агабекян Армен.

КъБР-м и Iэтащхьэ КIуэкIуэ Казбек дыгъэгъазэм и 3-м хэтащ УФ-м и Правительствэм и УнафэщIым и къуэдзэ Абрамченкэ Викторие видеоконференц мардэм тету иригъэкIуэкIа зэIущIэм.

Кавказ Псы Хущхъуэхэр илъэс 225-рэ щрикъу махуэм ирихьэлIэу, къэбэрдей адыгэхэр къызыхэщ дэфтэр гъэщIэгъуэн утыку къыщрахьащ «КоммерсантЪ» газетым. Петуховэ Аннэ дигу къегъэкIыж Урысейм япэ зыгъэпсэхупIэхэр къыщызэIуахауэ зэрыщытар.

Тыркум щыпсэу ди лъэпкъэгъухэм хэкум къыхуэпабгъэрэ абы икI я къуэшхэр я нэ, я псэу яхэт лIы щыпкъэхэм ящыщщ Хьэткъуэ Нэжэт.

ЩIэныгъэлIхэр игъащIэ лъандэрэ топсэлъыхь цIыхумрэ ар къэзыухъуреихь дунеймрэ я псэкIэ, я IэпкълъэпкъкIэ зэрызэпыщIам, зым адрейм Iэмал имыIэу зыхъуэжыныгъэ гуэрхэр зэрыхилъхьэм. Пэжщ, а зэхъуэкIыныгъэхэм узыщыгуфIыкIыни уи жагъуэ хъуни къыщрикIуэхэр щыIэщ. Iуэхур нэхъыбэу зэлъытар дунеймрэ цIыхумрэ яку дэлъ зэхущытыкIэрщ, лъагъуныгъэрщ.

Екатеринбург къалэм щызэхэтащ Урысей Федерацэм дзюдомкIэ и зэхьэзэхуэ. Абы и медалхэм щIэбэнащ къэралым и щIыналъэ 65-м икIа, зи ныбжьыр илъэс 21-рэ иримыкъуа спортсмен 625-рэ.

Къэбэрдей-Балъкъэр Республикэм и Iэтащхьэ КIуэкIуэ Казбек щIыналъэм и экономикэм зиужьын папщIэ къэрал къулыкъущIапIэхэм къапэщылъ Iуэхугъуэхэмрэ зэфIэхыпхъэхэмрэ я гугъу щищIащ иджыблагъэ хъыбарегъащIэ IэнатIэхэм я лэжьакIуэхэм ядригъэкIуэкIа зэIущIэм.

Щхьэлыкъуэ къуажэм дэт амбулаторэм педиатру щолажьэ Гуанэ Бэллэ. Сабийхэрщ зэIэзэри, ахэр бзэ гуапэкIэ къыдехьэх, ядогушыIэ, трагъэзэн хуей хъумэ, шынэ ягу илъыжкъым. Аращ дохутыр нэсыр – щIэныгъэ бгъэдэлърэ, ар къыхуэгъэсэбэпмэщ. Езы дохутырыр Шэджэм ЕтIуанэ къуажэм къыщыхъуащ, Налшык къалэ щопсэу, хъыджэбзрэ щIалэрэ иIэщ.