Модельер-дэрбзэр Сэралъп Мадинэ и Арт-центрым щагъэлъагъуэ Сирием къиIэпхъукIыжа ди лъэпкъэгъу, УФ-м и СурэтыщIхэм я зэгухьэныгъэмрэ ЮНЕСКО-м гъуазджэхэмкIэ и дуней­псо ассоциацэмрэ хэт дыщэкI Сос­накъ Мухьэмэд и лэжьыгъэхэр.

Къэбэрдей-Балъкъэр Республикэм и Прокуратурэм и ветеранхэу Мэшыкъуэ Хьэчим, Шаваев Виталий, Шэт Ларисэ, Ныр Анзор сымэ щыIащ езыхэр щеджа школхэу Лэс­кэн районым и Аргудан, Бахъсэн районым и Куба, Къулъкъужын Ищхъэрэ къуажэхэм, Шэджэм къалэм, Прохладнэ районым щыIэхэм. 

Адыгэхэр адыгэбзэкIэ щызэпсалъэ, Iуэхугъуэ зэхуэмыдэхэр къыщаIэт, гъащIэм къигъэув уп­щIэхэм щыпэджэж «Псалъэ» клубыр къызэрагъэпэщащ лъэпкъым и гурыгъузхэр зыхэзыщIэ, бзэм и лъахэр жьэгу зыхуэхъу, адыгэ дунейр къы­зыгурыIуэ гупым. Тхьэмахуэ къэс ахэр щы­зэхуос Налшык, анэдэлъхубзэкIэ топсэлъыхь Iуэхугъуэ зэхуэмыдэхэм.

Дызэрыт илъэсым зэрыщIидзэрэ Урысей Федерацэм и мэкъумэшыщIэхэм худэчых зыхэт кредит Iэмалхэр къагъэсэбэпу зэрылэжьэн техникэрэ оборудованэу мини 3-м щIигъу къащэхуащ. УФ-м и Правительствэм а Iуэхугъуэхэм хуэгъэпсауэ мы гъэм къиутIыпща ахъшэр сом мелард 15-м нигъэсащ. 

КъБР-м и Лъэпкъ къэрал биб­лио­те­кэм щагъэлъэпIащ Славян тхыбзэмрэ щэнхабзэмрэ я махуэр. Ар къызэригъэпэщащ КъБР-м Лъэпкъ Iуэхухэмрэ жылагъуэ проектхэмкIэ и министерствэм, КъБР-м и Лъэпкъ библиотекэр и дэIэпыкъуэгъуу. 

Апхуэдэ фIэщыгъэ зиIэ гъэлъэгъуэныгъэ щокIуэкI Налшык дэт «Сигу ирохь» студием. Абы утыку къыщрахьащ Новгород Ищхъэрэм щыщ режиссёр, сурэтыщI ныбжьыщIэ Алексеевэ Марие и лэжьыгъэхэр.

Къэбэрдей-Балъкъэр Рес­пуб­ликэм щыIэ Урысей ФСИН-м и управленэмрэ ­КъБР-м и Жылагъуэ кIэ­лъып­лъакIуэ комиссэмрэ зэ­­рызэдэлэжьэнум теухуа зэгурыIуэныгъэ зэращIы­лIащ. 

КъБР-м и Парламентым къыщызэщIакъуэжащ «Си хабзэубзыху жэрдэм» XXI зэпеуэм кърикIуахэр. Зэрыхабзэу, абы хэтщ Къэбэрдей-Балъкъэр Республикэм и егъэджэныгъэ, щIэныгъэ IуэхущIапIэхэмрэ жылагъуэ зэгухьэныгъэхэмрэ я щIалэгъуалэр. 

Кавказым щыпсэухэм, псом хуэмыдэу адыгэхэм, я дежкIэ унагъуэр лъапIэщ. Аращ къыщежьэр адэ-анэм, нэхъыжьым, Хэ­кум хуащI пщIэмрэ лъагъуныгъэмрэ. Жылагъуэри быдэ зыщIыр унагъуэм илъ зэхущытыкIэфIхэмрэ лъэпкъ хабзэхэр абдеж зэрыщахъумэмрэщ. Аращ ди адэжь­хэм ягъэлъапIэу щытахэр къэгъэ­щIэ­рэ­щIэжыным нобэ иужь щIитыр.

«СВОй путь» урысейпсо проектым хыхьэу иджыблагъэ зэIущIэ щекIуэкIащ Къэбэрдей-Балъкъэр къэрал университетым. «Зэхуэдэхэм я зэпсэлъэныгъэм» хэтащ ­КъБР-м и Парламентым и депутат, КъБКъУ-м Граждан-хэкупсэ гъэсэныгъэмкIэ и центрым и унафэщI, дзэ Iуэху хэхам и ветеран Шевчук Герман.