Тюнене Нальчикде Къабарты-Малкъарны Башчысы Ю.А.Коков бла Россейни Монополиялагъа къажау службасыны башчысыны орунбасары А.В.Доценко федерал ведомствону бла КъМР-ни власть органларыны араларында бирге ишлеуню юсюнден келишимге къол салгъандыла.

Биринчи категориялы магистраль
Эрттенликде Калюжный эм Головко орамла бирге къошулгъан жерде адамла, техника  бютюнда кёп эдиле. Былайда, жангыртыу жумушладан сора, шёндюгю излемлеге келишген жол ачылгъанды.

Тюнене РФ-ни Президенти Владимир Путин пенсия система бла байламлы законодательствогъа кийирирге хазырлана тургъан тюрлениулени юслеринден халкъгъа кесини оюмун билдирир ючюн телевидение бла сёлешгенди.

КъМР-ни Башчысы Ю.А. Коков пенсия законодательствону тюрлениулери бла байламлы Россейни гражданларына Президент В.В Путинни Обращениясыны юсюнден оюмун билдиргенди.

Республиканы Правительствосуну кезиулю кенгешинде сюзюуге чыгъарылгъан темаланы арасында КъМР-ни быйылны биринчи жарымында бюджети къалай толтурулгъаныны юсюнден да къысха айтылгъанды.

Чакъырыу сёзю

КъМР-ни Башчысы Юрий Коков Рауль Хаджимбаны бла Анатолий Бибиловну Россей Абхазия эмда Юг Осетия республикаланы жалынчакъсызлыкъларын къабыл кёргенли он жыл толгъаны бла алгъышлагъанды.

Тёреде болуучусуча, жылны бу кезиуюнде районлада, Нальчикде да педагог форумла бошалгъанларындан сора устазла республикалы август кенгешлерине жыйылыучудула. Тюнене ол «Кюн шахар» сабий чыгъармачылыкъ академияда бардырылгъанды.

Шимал Кавказны жаш тёлюсюню «Машук-2018» деген 9-чу форуму кесини ишин бошагъанды. Аны эки сменине да битеу да эки минг адам къатышханды. Эки ыйыкъны   ичинде  билим бериу  программагъа кёре 260 тренинг бардырылгъанды.

Быйыл Къабарты-Малкъарда 23 минг тонна тахта кёгетден бла жемишден 132 миллиондан артыкъ условный банка консерва чыгъарылгъанды. Былтыр  бу кезиую бла тенглешдиргенде, ёсюм алты процентге жууукъду. Тийишли производстволада эки минг адам урунады.