«Иш кёллю Россей» жамауат организацияны Къабарты-Малкъарда бёлюмюню Жаш тёлю бизнес-школун тауусханла бу кюнледе бизнес-проектлерин къоруулагъандыла. Аны бла байламлы Жамауат палатаны конференц-залында жыйылыу ётгенди. 

1763-1864 жыллада Кавказ урушда жоюлгъанланы эсгериуню кюнюне аталгъан бушуулу ишле 20  майда солуу паркда «Древо жизни» эсгертмени аллында халкъ жырладан башланнгандыла. Республиканы эллеринден чыгъармачылыкъ коллективле, жырчыла да  урушну кезиуюнде туугъан сарнауланы айтхандыла.

Федерал жол агентствону оноуу бла  жай кезиуде  къырал трассалада ауур жюкле ташыучу транспорт энчи жорукълагъа тийишлиликде жюрюрюкдю, деп билдиргендиле «Кавказ» жол управлениядан.

Алгъаракълада Нальчикде Федерал налог службаны Къабарты-Малкъарда управлениясыны Жамауат советини жыйылыуу болгъанды. Сёз анда контроль-касса техниканы хайырланыуда жангы системагъа кёчюуню ючюнчю кезиуюн тамамлауну юсюнден баргъанды.

Белгилисича, устаз   къыйын аны бла бирге даражалы усталыкъладан бирине саналады.

Бу кюнледе Къытайны Шанхай шахарында ашарыкъ  продукцияны чыгъарыуда хайырланылгъан энчи оборудованияланы SIAL China 2019 деген XX-чы халкъла аралы кёрмючю бардырылгъанды. Бизни республикадан да анга талай предприятие къатышханды.

Бу кюнледе Къабарты-Малкъар Совет Союзну Жигити Байсолтанланы Алим туугъанлы 100 жыл болгъанын белгилейди. Анга аталып, батырны туугъан кюнюнде Нальчикде Къырал концерт залда къууанч жыйылыу болгъанды. Аны Россейни сыйлы артисти Бапыналаны Зариф бардыргъанды.

Тюнене Музыка театрда КъМР-ни Парламентини 25-жыллыгъына  аталгъан къууанчлы жыйылыу болгъанды.

Пенсия фондну Черек районда управлениясыны башламчылыгъы бла Черек районну Бабугент элини школуну устазларына пенсия системаны, анда бола тургъан тюрлениулени ангылатыу бла байламлы семинар къуралгъанды, аны управленияны ишчилери Башийланы Расул бла Атабийланы Амина бардыргъандыла.

Кёп болмай Май муниципал районну Александровское элинде мал ашла чыгъаргъан «Голдкорм» завод сынау халда ишлеп башлагъанды, деп билдиредиле КъМР-ни Эл мюлк министерствосуну пресс-службасындан.