Тюнене КъМР-ни Правительствосунда аманлыкъланы профилактикасы жаны бла ведомствола аралы комиссиясыны кезиулю жыйылыуунда жер-жерли самоуправление органла бла жамауат биригиуле бузукълукъланы тохтатыуда бирге тамамлагъан ишли сюзюлгендиле.

Кардиология службаны иши бла шагъырейленирча В.А. Алмазов атлы миллет медицина тинтиу араны таматасы академик Евгений Шляхто Къабарты-Малкъарда болгъанды.

КъМР-ни Башчысыны къуллугъун болжаллы халда толтургъан Казбек Коков Чегем районда болгъанында муниципал къуралыуланы администрацияларыны таматалары бла кенгеш бардыргъанды. Анда сёз халкъны суу бла чырмаусуз жалчытыуну юсюнден баргъанды.

Тюнене Нальчикде Абхазия майданда «Аскер - 2019» деген Халкъла аралы аскер-техника форум башланнганды. Билдиргенибизча, ол юч кюнню ичинде бардырыллыкъды, эрттенликде сагъат ондан кюндюз сагъат экиге дери.

КъМР-ни Правительствосуну юйюнде премьер-министр Мусукланы Алий Алмазов атлы Миллет медицина тинтиу араны директору, академик Евгений Шляхто бла тюбешгенди.

Тюнене Чегемде К.В. Коков Терроризмге къажау республикалы комиссияны тышында жыйылыуун бардыргъанды. Анда жамауат къоркъуусузлукъну, отлукъ-энергетика эмда санаторий-курорт объектлени, адамла аслам жыйылыучу жерлени террорчулукъдан къоруулауну кючлендириуню мадарлары сюзюлгендиле.

Аушигер элни къатында Черек сууну жагъасыны бир кесеги ашалгъанды. Ол а онеки юйге, бийик вольтлу ток ызгъа эмда жылы сууланы къатында инфраструктурагъа къоркъуу салады. Къыйын табийгъат болумну тийресинде социал магъаналы объект жокъду.

РусГидро компанияны болушлугъу бла Къабарты-Малкъарда акъылбалыкъ болмагъанланы арасында футболдан битеуроссей турнир бардырылгъанды. Эришиуле СССР-ни бу оюндан чемпиону Александр Апшевге жораланнган эдиле, деп билдиргендиле компанияны КъМР-де бёлюмюнден.

Грозныйде грепплингден регион даражалы эришиу бардырылгъанды, анга жер-жерледен аслам гёжеф къатышхандыла.

Автомашинаны сатып алгъан адам аны кеси атына жаздырыргъа керекди. Ол этилмесе, аны алгъын иесине налог келгенлей турлукъду. Нек дегенде ФНС-ни бла ГИБДД-ны базаларында машина аны иелигинде къалады.