Къабарты-Малкъарда Терс-Къолда Россейни Сауутланнган кючлерини бек иги бийик- тау аскерчи бёлюмюн ачыкълау жаны бла «Эльбрусское кольцо-2019» конкурс башланнганды. Ол «АрМИ-2019» халкъла аралы бёлюмюне хазырланыуну чеклеринде къуралгъанды.

Монополиялагъа къажау федерал службаны (ФАС) Къабарты-Малкъарда Управлениясыны Жамауат-консультатив советини кенгеши ётгенди бу кюнледе.

КъМР-ни Башчысыны къуллугъун болжаллы халда толтургъан Казбек Коков видеоконференция байламлыкъ амал бла РФ-ни Президентинде Стратегиялы айнытыу эм миллет проектле жаны бла советни президиумуну жыйылыууна къатышханды.

Къабарты-Малкъар къырал университетни студентлери Билим бериуню качествосуну мониторингини илму-излем институту бардыргъан Федерал интернет-экзаменни эсеплерине тийишлиликде профессионал окъутуу жаны бла 15 алтын, 17 кюмюш эмда 33 доммакъ сертификат алгъандыла.

Нальчикде 11-чи номерли орта школну жанында бир кезиуге 60 сабий кечинирге боллукъ садикни къурулушу бошала турады, деп билдиргендиле КъМР-ни Къурулуш эмда жол мюлк министерствосундан.

Жыл сайын бардырылыучу «Сабанны кюню» деген семинар-кенгеш алгъаракъда Зольск районда Белокаменка элде ётгенди. Бу ишни РАН-ны бизни республикада илму арасыны (КБНЦ) эл мюлк институту бла SumiAgro компания къурагъандыла.

Х.М. Бербеков атлы Къабарты-Малкъар къырал университетде «Суу жашаугъа эмда керек табийгъат байлыкъды» деген темагъа «тёгерек стол» бардырылгъанды. Анда суу къолайлыкъны сакъларгъа бурулгъан бир ненча магъаналы оноу къабыл этилгенди.

Ессентуки курорт шахарда РФ-ни Миллет гвардиясыны Шимал-Кавказ аскер округда оркестрлерини «Музыка. Кавказ. И блеск военной меди!» фестивалы къуралгъанды. Проект Кавказ Минерал Водылени шахарларында юч кюнню бардырылгъанды, анга битеу СКФО-дан Росгвардияны жети музыкалы къаууму къатышханды.

КъМР-ни Парламентини 6-чы чакъырылыууну депутатларын айырыугъа «Единая Россия» политика партияны КъМР-де регион бёлюмюню 120 келечиси къатышырыкъдыла. Аланы тизмеси бу кюнледе партияны ХХХ конференциясында белгили этилгенди. Ол жашырын къол кётюрюу бардырылып, къабыл кёрюлгенди.

2019 жылда 4 июльда Къабарты-Малкъар Республиканы Парламентини кезиулю жыйылыуу боллукъду. Ол 10.00 сагъатда башланырыкъды.