Тюнене ингирде Нальчик шахарда Жашил театрда Къабарты-Малкъар Республика къуралгъанлы 97 жыл толгъанына жораланнган байрам болгъанды. Ары республиканы жамауатындан иги кесек адам, КъМР-ни Правительствосуну, Парламентини келечилери, федерал округдан, регионладан къонакъла да келгендиле.  

Къабарты-Малкъарны Башчысы Юрий Коков Россейни халкъ артисткасы Валерия эмда аны баш иеси, продюсер Иосиф Пригожин бла тюбешгенди. Ала Нальчикге  КъМР-ни Къыраллыгъыны кюнюне аталгъан уллу концерт программагъа къатышыргъа келгендиле.

КъМР-ни Парламентини президиумуну быйыл кюз сессияда биринчи жыйылыуунда отузгъа жууукъ соруугъа къаралгъанды. Аны ача, спикер Татьяна Егорова жыйылыу къысха эсе да, аны кезиуюнде кёп магъаналы жумушланы толтурургъа белгиленнгенин чертгенди.

 Къабарты-Малкъарны Башчысы Юрий Коков Правительствону юйюнде  Россейни Тау лыжа спорт эмда сноуборд жаны бла федерациясыны президенти Леонид Мельников бла тюбешгенди.

Кёп болмай КъМР-ни Сатыу-алыу палатасында  аны келечиси, «Техно-Алмаз» биригиуню таматасы Руслан Токовну башламчылыгъы бла Тюркден «TETRA MAKINE» компанияны таматасы   Хакан Каймсак эм аны коллегасы Хасан Кекес бла ишчи тюбешиу болгъанды.

Бюгюнлюкде Къабарты-Малкъарда ауурлукълары беш жюз граммгъа жетген къагъанакъланы 93 процентини   жашауларын сакъларгъа эмда айнытыргъа онг барды, деп билдиреди Перинатал араны баш врачы Гайыланы Алёна.

Озгъан шабат кюн бизни республиканы 240 чакълы мектебинде биринчи къонгуроу зынгырдагъанды.

КъМР-ни Къыраллыгъыны кюнюню аллында экономиканы, социальный сфераны айнытыуда, право низамны сакълауда жетишимле болдургъанланы бийик къырал саугъала бла белгилеу ариу тёреге айланнганды.

 Тюнене Нальчикде Къабарты-Малкъарны Башчысы Ю.А.Коков бла Россейни Монополиялагъа къажау службасыны башчысыны орунбасары А.В.Доценко федерал ведомствону бла КъМР-ни власть органларыны араларында бирге ишлеуню юсюнден келишимге къол салгъандыла.