КъМР-ни Башчысы Юрий Коков Рауль Хаджимбаны бла Анатолий Бибиловну Россей Абхазия эмда Юг Осетия республикаланы жалынчакъсызлыкъларын къабыл кёргенли он жыл толгъаны бла алгъышлагъанды.

Тёреде болуучусуча, жылны бу кезиуюнде районлада, Нальчикде да педагог форумла бошалгъанларындан сора устазла республикалы август кенгешлерине жыйылыучудула. Тюнене ол «Кюн шахар» сабий чыгъармачылыкъ академияда бардырылгъанды.

Шимал Кавказны жаш тёлюсюню «Машук-2018» деген 9-чу форуму кесини ишин бошагъанды. Аны эки сменине да битеу да эки минг адам къатышханды. Эки ыйыкъны   ичинде  билим бериу  программагъа кёре 260 тренинг бардырылгъанды.

Быйыл Къабарты-Малкъарда 23 минг тонна тахта кёгетден бла жемишден 132 миллиондан артыкъ условный банка консерва чыгъарылгъанды. Былтыр  бу кезиую бла тенглешдиргенде, ёсюм алты процентге жууукъду. Тийишли производстволада эки минг адам урунады.

«Единая Россияны» Генеральный советини секретары, Федерация Советни вице-спикери Андрей Турчак  РФ-де пенсия системаны игилендириуню юсюнден партия тийишли кёрген онгланы туура этгенди, аланы барысы да РФ-ни Президенти  Владимир Путиннге жиберилликлерини юсюнден да билдиргенди.

КъМР-ни Правительствосуну башчысы Мусукланы Алий тюнене бардыргъан кезиулю жыйылыуда министерствола жарашдыргъан жыйырмадан артыкъ бегимлени проектлерине къарагъанды. Кенгешге жер-жерли администрацияланы эмда бир талай ведомстволаны бла службаланы келечилери да къатышхандыла.

Бу кюнледе Къабарты-Малкъаргъа Россей Федерацияны Эл мюлк министерствосуну Сабанчылыкъ , механизация, химизация эм битимлени къоруулау департаментини башчысы Пётр Чекмарёв келгенди.

«Машук-2018» билим бериу форумну экинчи сменине къатышыр ючюн Пятигорск шахаргъа  Шимал Кавказдан, Россейни башха регионларындан бла тыш къыралладан мингле бла жаш адамла келгендиле.  Аланы араларында Къабарты-Малкъардан Халкъ мюлкню бла къырал службаны россейли академиясыны Шимал Кавказда филиал

Тюнене Москвада РФ-ни Правительствосуну Председателини орунбасары Виталий Мутко видеоконференция халда битеуроссей селектор кенгеш бардыргъанды. Анга видео байламлыкъла халда КъМР-ни Правительствосуну Председатели Мусукланы Алий да къатышханды.

РФ-ни табийгъат байлыкъла эмда экология министри Дмитрий Кобылкин бардыргъан кенгешде Къабарты-Малкъарны къоркъуулу табийгъат къыйынлыкъланы болдурмаз жаны бла проектине къаралгъанды. Аны юсюнден министерствону интернет-сайтында айтылады.