Республиканы Башчысыны къуллугъун болжаллы халда толтургъан Казбек Коков, РФ-ни табийгъат байлыкъла эм экология министри Дмитрий Кобылкин да къатышып, Правительствону юйюнде кенгеш бардыргъанды.

Сиз бир тюрлю сылтаула бла «Заманнга» жазылалмай къалгъан эсегиз, ишни тюзетирге онг барды. Июльну 26-сына дери, почтагъа барып, ана тилибизде чыкъгъан газетге жазылсагъыз, аны 1-чи августдан алып башларыкъсыз.
Жазылыуну беш айгъа багъасы-580 сом 25 капекди.

Энди Къабарты-Малкъарны «кюмюш» волонтёрларыны кеслерини энчи аралары барды. Ол 16 июльда Долинскде 1-чи номерли интернат-школда къууанчлы халда ачылгъанды.

Къабарты-Малкъар къырал аграр университетни быйыл бошагъан минг жаш адамдан 173-сю айырмалы белгилеге окъуп, «къызыл» дипломла къоллу болгъандыла. Орта кюн а аланы къууанчлы халда бергендиле.

КъМР-де МВД-ны наркотиклеге къажау управлениясыны полициячылары, Нальчикде УМВД-да коллегалары бла бирге саулукълары осал сабийчикле бла жандауурлукъ акциягъа къатышхандыла.

Къазанда регбини олимпиада тюрлюсюнден (регби-7) федерал лиганы оюнлары бардырылгъандыла. Анда алчылыкъ ючюн къыралны 11 эм иги командасы эришгендиле.

Москвада ветеранланы араларында эркин тутушуудан Россейни чемпионаты бардырылгъанды.
Анда 70 килограмм ауурлукъ къауумда Темуккуланы Къайсын, битеу тюбешиулерин хорлам бла бошап, алтын майдалны алгъанды. Къайсын былтыр дунияны чемпионатында «доммакъны» да къытхан эди.

Урван районда Эски Черек бла Котляревская эллени арасында жолда тапландырыу ишле андан ары бардырыладыла. Билдиргенибизча, озгъан айда аны тёртюнчю километринде участканы къатында Черек суу кётюрюлюп, жолну жанын ашагъанды.

Жаш тёлю проектлени Битеуроссей конкурсуна къатышып, Къабарты-Малкъар къырал аграр университет саулай къыралда быллай эм иги юч вузну санына тюшгенди. СКФО-да бийик билим бериу учрежденияланы арасында уа ючюнчю жерге тийишли болгъанды. Аны бла КъМКъАУ 7,1 миллион сом къоллу болгъанды.

Ведомствола аралы комиссияны келечилери аманлыкъ этгенлерине ишеклилени эркинликлери къалай сакъланнганларын сюзгендиле.