Терекде Россейни сыйлы тренери, КъМР-ни физкультурасыны бла спортуну сыйлы ишчиси Н.Х.Битоковну хурметине грек-рим тутушуудан ачыкъ республикалы турнир бардырылгъанды. Анга 2003-2004 эмда 2006-2007 жыллада туугъан жашла къатышхандыла – битеу да 222 адам.

Жыл сайын октябрьде, Уллайгъан адамны кюнюне жораланып, «Жандауурлукъ» деген тёрели айлыкъ бардырылады. Анга кёре аппалагъа бла аммалагъа деп тюрлю-тюрлю социал эмда маданият жумушла толтуруладыла. Ол огъурлу ишге уа бек алгъа социал службада ишлегенле къатышадыла.

КъМР-ни Курортла эмда туризм министерствосунда бу кюнледе бардырылгъан «тёгерек столда» республикада гастрономия туризмни юсюнден сёлешиннгенди.

Белгилисича, «Победа» бюджет авиакомпания республикагъа къайтыргъа сюйгенин билдиргенди. Самолётла Нальчикден Москваны «Внуково»,Санкт-Петербургну уа «Пулково» аэропортларына учарыкъдыла.

Ишчи борчларын айырмалы толтургъан право низамны сакълаучула бла Миллет гвардияны аскерчилери къууанчлы халда саугъаланнгандыла. Анга аталгъан жыйылыу РФ-ни МВД-сыны Краснодарда университетини Нальчикде квалификацияны ёсдюрюу жаны бла Шимал-Кавказ институтда бардырылгъанды.

КъМР-ни Парламентини президиумуну кезиулю жыйылыуунда депутатла 30-дан аслам сорууну сюзгендиле. Аны спикер Татьяна Егорова бардыргъанды.

Къабарты-Малкъар къырал университетде «РФ-ни субъектлеринде къырал миллет политиканы бардырыу» деген билдириу семинар болгъанды.

Тёрт мингден аслам студент бла школчу къатышхандыла «Сабийлерибизни саулукълары эм къоркъуусузлукълары ючюн» деген акцияны экинчи бёлюмюне.

Республиканы ара шахарында юйлеге жылыу бериу кезиу 21 октябрьде башланнганды, деп билдиргендиле муниципалитетни пресс-службасындан. Анда айтханларына кёре, социал сферада объектлеге уа жылыу 14 октябрьде окъуна жиберилип тебиреген эди.

Кёп болмай Москвада «Алтын кюз арты» агропромышленный кёрмючде Къабарты-Малкъарны Эл мюлк институту акъ эм къара будайны бирге къошулгъан «Берекет» деген сорту ючюн алтын майдал бла саугъаланнганды, деп билдириледи РАН-ны КъМР-де Илму арасыны медиацентрини пресс-службасындан.