Тёрт мингден аслам студент бла школчу къатышхандыла «Сабийлерибизни саулукълары эм къоркъуусузлукълары ючюн» деген акцияны экинчи бёлюмюне.

Республиканы ара шахарында юйлеге жылыу бериу кезиу 21 октябрьде башланнганды, деп билдиргендиле муниципалитетни пресс-службасындан. Анда айтханларына кёре, социал сферада объектлеге уа жылыу 14 октябрьде окъуна жиберилип тебиреген эди.

Кёп болмай Москвада «Алтын кюз арты» агропромышленный кёрмючде Къабарты-Малкъарны Эл мюлк институту акъ эм къара будайны бирге къошулгъан «Берекет» деген сорту ючюн алтын майдал бла саугъаланнганды, деп билдириледи РАН-ны КъМР-де Илму арасыны медиацентрини пресс-службасындан.

Къабарты-Малкъарны премьер-министри Мусукланы Алий КъМР-ни Правительствосуну юйюнде «Мастерконцепт» деген австриялы консалдинг эмда инжиниринг компанияны таматасы Гернот Ляйтнер бла тюбешгенди.

КъМР-ни Правительствосуну кезиулю жыйылыуун премьер-министр Мусукланы Алий бардыргъанды. Министрлени кабинети къырал кадастр багъалагъа кёчюуню кюнюн белгилегендиле, къырал программаланы жарашдырыуну, толтурууну эм аланы файдалылыкъларын тергеуню низамына тюрлениуле да кийиргендиле.

Тюнене Бабугентде Мечиланы Кязимни жангыртылгъан эсгертмеси ачылгъанды. Аны къууанчына тапландырылгъан майданнга кёпле келгендиле.

КъМР-ни Башчысы Казбек Коков республиканы Правительствосуну, толтуруучу властьны федерал органларыны регион управленияларыны, район администрацияланы таматалары бла кенгеш бардыргъанды. Анда социал сферада бла экономикада болумну юсюнден сёлешиннгенди.

Тюнене Сочиде Къабарты-Малкъарны Башчысы Казбек Коков РФ-ни Федерал Жыйылыууну Федерация Советинде Цифралы экономиканы айнытыу жаны бла советни «Акъыллы шахардан цифралы регионнга» деген ат бла бардырылгъан жыйылыууна къатышханды.

Бу кюнледе «Кавказ» Р-217 къырал трассаны Экинчи Чегемден Нальчикге дери сегиз километр чакълы участогуна тынгылы ремонт этилип башланнганды, деп билдириледи Росавтодорну машина жоллагъа къарагъан «Кавказ» управлениясындан.

Къызыл бла къара дугъумгъа башха-башха къараргъа кереклисин кёпле биле да болмазла. Алайды да аланы къалайгъа салыргъа, не бла багъаргъа, не халда къараргъа тийишли болгъаныны юсюнден айтайыкъ. • Кюн тюбюнде болсун жери Къызыл дугъумну юлкюлерин бир бирлерине жууугъуракъ орнатыргъа да боллукъду.