КъМР-ни Башчысыны къуллугъун болжаллы халда толтургъан Казбек Коков Нальчикде Сабий стадионну жокълагъанды. Ол ары барырны аллында, Физкультурачыны кюнюне аталып, футболдан, теннисден, женгил атлетикадан бла спорт гимнастикадан эришиуле ётгендиле.

КъМР-ни Башчысыны къуллугъун болжаллы халда толтургъан Казбек Коков «Контроль сагъатны» чеклеринде КъМР-ни Правительствосуну башчылары эмда район администрацияланы оноучулары бла кенгеш бардыргъанды. Анда сёз республиканы жолларыны юсюнден баргъанды.

Жай чиллени, сакъ жауунланы кезиуюнде ырхыланы къоркъууу кючленеди. Аладан аслам хата уа огъары орналгъан мюлклеге, тау эллеге жетеди. Ол себепден МЧС-ни специалистлери кёз-къулакъ болгъанлай турадыла.

Къабарты-Малкъарда жашау журтла-коммунал мюлкню эмда предприятияланы бла организацияланы быйыл кюз арты – къыш кезиуде чырмаусуз ишлерге хазырлаугъа 588 миллион сом къоратыллыкъды. Бюгюнлюкге белгиленнген ишлени ючден биринден асламысы тамам этилгенди.

Правительствону юйюнде Казбек Коков КъМР-ни Башчысыны Администрациясыны эм республиканы Правительствосуну оноучулары бла ишчи кенгеш бардыргъанды.

Шимал Кавказстатдан билдиргенлерине кёре, быйылны биринчи жарымында Къабарты-Малкъарда эл мюлк продукциядан 11,2 миллиард сом багъасы чыгъарылгъанды. Ол былтырны бу заманы бла тенглешдиргенде 1,6 процентге кёпдю.

Тёрт жыл мындан алгъа республикагъа «Къонакъбайлыкъ» проектни хайыры бла Тюркден сабийле келген эдиле. Аладан бири - Ойсу деген къызчыкъ-Хасанияда юйюрледен биринде тохтайды, окъургъа да элде 16-чы номерли школгъа жюрюйдю.

«Сириус» битеуроссей сабий арада «Уллу чакъырыула» деген ючюнчю билим бериу программа бошалгъанды. Анда «МИСиС» миллет излем технологиялы университети къурагъан «Жангы материалла» деген проектге саулай Россейден отуз школчу къатышхандыла.

Россейни ФСБ-сыны КъМР-де Чекчи управлениясы Къабарты-Малкъарны жамауатына бла аны къонакъларына былай эсгертеди: чекни тийрелерине келген эмда алайлада тургъан хар адамны да жанында аны инсанлыгъына шагъатлыкъ этген документи (паспорту, сабийни туугъаныны юсюнден шартла жазылгъан къагъыт) болург

Элбрус районда Прохладный – Бахсан – Элбрус жолда кёпюрге тынгылы ремонт этилип бошалгъанды, деп билдиргендиле къырал жоллагъа къарагъан «Кавказ» управлениядан. Аны чыпынлары алышындырылгъандыла, аланы мурдору кючлендирилгенди эмда конструкцияны бир кесеги жангыртылгъанды.