Тюнене Шимал Кавказны жаш тёлюсюню «Машук-2019» онунчу форумуну «Проективное общество» деген темагъа аталгъан экинчи смени бошалгъанды.

Орта кюн республикабызда Россейни Къырал байрагъыны кюнюн къууанчлы белгилегендиле. Нальчикде уа байрам "Мен сени сюеме, Россей!" деген ат бла  бардырылгъанды. Ол 400-жыллыкъны майданында башланнганды.

Тюнене Нальчикде «Ёмюрлюк от» мемориалны къатында Уллу Ата журт урушну кезиуюнде Курск дугада гитлерчи аскерле ууатылгъан кюннге аталып митинг бардырылгъанды. Анга бир да болмагъанча кёп адам къатышханды, аланы араларында жаш адамла аслам эдиле.

Жазылыу – 2019
Хурметли жамауат! Сиз бир тюрлю сылтаула бла «Заманнга» жазылалмай къалгъан эсегиз, ишни тюзетирге онг барды. Августну 27 дери, почтагъа барып, ана тилибизде чыкъгъан газетге жазылсагъыз, аны 1 сентябрьден алып, окъуп башларыкъсыз.
Бизни индексибиз 51532.

Бизни республикада быйыл жети айны ичинде ток ючюн тёлемей тургъан 23,2 минг адамны эмда предприятияланы бла организацияланы ансыз къояргъа умут этген эдиле «Каббалкэнергода». Андан билдиргенлерине кёре, бу абонентлени барыны да 354 миллион сом берликлери барды.

Быйыл Къабарты-Малкъарда жангы окъуу жылгъа 24 школну спорт залы жангыртыллыкъды. Анга деп къырал бюджетден 26,3 миллион сом бёлюннгенди, ол санда республика кесинден 1,9 миллион сом къошханды.

Къабарты-Малкъарны башчылары школчуланы китапла бла жюз процентге жалчытыуну къайгъысын этедиле. Аны бла байламлы быйыл белгили федерал изданияладан 400 минг китап сатып алынырыкъды. Бюгюнлюкде аны биринчи къаууму келтирилгенди. Жууукъ заманда ала школ библиотека фондланы толтурлукъдула.

Геуюрге кюн Терс-Къолда «Эсде тутууну вахтасы -2019» деген патриот акцияны башланнганына эмда Уллу Ата журт урушну жылларында Элбрусну этеклеринде баргъан сермешледе жоюлгъан 15 къызыл аскерчини сюеклерин сый берип асыраугъа аталгъан митинг болгъанды.

Къабарты-Малкъарда Адамны эркинликлери жаны бла уполномоченныйде Эксперт советни эмда республиканы Айырыу комиссиясында Жамауат-консультация советни бирикдирилген жыйылыулары болгъанды. Анда КъМР-ни Парламентини алтынчы чакъырылыууна депутатланы айырыугъа хазырланыу къалай баргъаны сюзюлгенди.

КъМР-ни Башчысыны къуллугъун болжаллы халда толтургъан Казбек Коков Лескен районнга иш бла баргъанды. Республиканы таматасы къырал программаны чеклеринде Аргудан элде ишленнген 160 жери болгъан жангы сабий садха къарагъанды.