Угар газ бек уулу затха саналады. Адамны ёпкелерине тюшсе, терк окъуна къаннга сингип, анда гемоглобиннге жабышады. Аны хатасындан а кислород бла жалчытыу тыйылады, дейдиле «Газпром межрегионгаз Нальчик» компанияны специалистлери.

В.М.Коков атлы Къабарты-Малкъар къырал аграр университет студенти Асланланы Тамерлан бу кюнледе Москвада бардырылгъан Битеуроссей студент оюнланы финалында боевой искусстволадан биринчи жерге чыкъгъанды.

Россейде биринчи къагъыт ахчала жюрюп башланнганлы 250 жыл толгъанына жораланнган кёрмюч бу кюнледе Нальчикде Музыка театрда бардырылады.

РусГидро компанияны Къабарты-Малкъарда бёлюмюню келечилери, Росрыболовствону Запад-Каспий управлениясыны специалистлери бла бирге бу кюнледе Терк суугъа эмда анга къошулгъан черекчиклеге каспий лосось чабакъчыкъладан 300 мингден артыгъын жибергендиле.

Онунчу декабрьде Кремльни Екатерининский залында Россей Федерацияны Президенти Владимир Владимирович Путинни РФ-ни субъектлеринде Адамны эркинликлери жаны бла уполномоченныйле бла тюбешиую болгъанды. Ол Адамны эркинликлерини халкъла аралы кюнюне жораланнганды.

Шабат кюн, 14 декабрьде, Элбрусну тийресинде Краснодардан, Дондагъы Ростовдан, Пятигорскдан, Махачкъаладан башлап Москвагъа, Владивостокга, Курскга, Норильскге, Екатеринбургга, Улан-Удэге дери да тау лыжалада учаргъа сюйгенле, Минги тауну ариулугъун кёрюрге итиннгенле жыйылгъандыла.

КъМР-ни Башчысы Казбек Коков Правительствону юйюнде Къабарты-Малкъарны халкъ художниги Мухадин Кишев, аны юй бийчеси - искусствовед Жаклин Диана Мосс бла тюбешгенди.

Къырал магъаналы байрамлагъа жоралап, Къабарты-Малкъарны Жамауат палатасында республиканы шахарларындан бла районларындан жаш адамлагъа къууанчлы халда паспортла бериу ахшы тёреге айланнганды.

Россейни Конституциясыны кюнюнде КъМР-ни Правительствосунда республиканы премьер-министри Мусукланы Алий окъууда, спортда, регион олимпиадалада, чыгъармачы конкурслада айырмалы болгъанлагъа, кадетлени къауумуна да паспортла бергенди.

Ростов областьда 2006 жылда дери туугъан къызланы араларында баскетболдан Россейни биринчилиги бардырылгъанды. Анда Санкт-Петербургдан, Курскдан, Люберцевден, Дондагъы Ростовдан, Нальчикден бла Азовдан командала ойнагъандыла.