КъМР-ни Саулукъ сакълау министерствосу стационар паллиатив бёлюмлеге эмда саусузлагъа юйлеринде багъарча къырал бюджетден бёлюннген 14 миллион сомдан асламгъа медицина оборудованиядан 58-син алгъанды.

Сбербанкны Къабарты-Малкъарда бёлюмюнде предпринимательствогъа себеплик этиу эмда финансла жаны бла билим бериу семинар бардырылгъанды бу кюнледе.

Федерал налог службаны Къабарты-Малкъарда управлениясыны специалистлери МФЦ-ны ишчилерине семинар бардыргъандыла. Анда служба бу Ара бла байламлыкъда тамамлаучу къырал жумушланы качествосун кётюрюуню юсюнден сёлешиннгенди, деп билдиргендиле УФНС-ны пресс-службасындан.

Россейни Почтасыны КъМР-де Управлениясындан билдиргенлерича, бу айны ортасындан башлап бизни къыралны кёп регионларына посылкала эки кюнден кеч къалмай жетерикдиле. Айтханларына кёре, аны 100 мингден артыкъ адам жашагъан шахарлада толу сезерикдиле.

Нальчикде Тарчоков атлы орамда кёп фатарлы юйледен бирини аллында арбазны тапландырыуну анда жашагъанла къолгъа алгъандыла. Озгъан шабат кюн аланы бир къаууму, бирча чыгъып, тёгерек башны тазалагъандыла, къыртыш болурча жер къурагъандыла, терекчикле да орнатхандыла.

«Россети» компанияны башчысыны орунбасары Виталий Иванов бу кюнледе Пятигорск шахарда кенгеш бардыргъанды. Анда Шимал Кавказны электроэнергетика комплексин айнытыуну, аны бла байламлы борчланы тамамлауну юсюнден сёлешиннгенди.

Нальчикде тёгерек-башны жашиллендирирча ишле дайым бардырылгъанлай турадыла, деп билдириледи шахарны администрациясыны пресс-службасындан.

КъМР-ге бу кюнледе Тверь областьны Законла чыгъарыучу жыйылыууну делегациясы келип турадыла. Аланы КъМР-ни Парламентине жолоучулугъу эки регионну да законла чыгъарыучу органларыны араларында байламлыкъланы юсюнден Келишимни чеклеринде къуралгъанды.

Къабарты-Малкъарны Башчысы Казбек Коков Нальчикде Транспортха надзор этген федерал службаны таматасыны орунбасары Асланбек Ахохов эмда ол ведомствону СКФО-да оноучусуна кёп болмай салыннган Дмитрий Кравцов бла тюбешгенди.

Бу кюнледе КъМР-ни кёзлери кёрмегенлени китапханасында «Сорургъа сюеме: специалистле бла ачыкъ ушакъ» атлы «тёгерек стол» бардырылгъанды.