Нальчикде жол жанларында темир бурууланы кетерип, орунларына юлкюле орнатырыкъдыла. Бюгюнлюкде битимлени сайлау барады. Жууукъ заманда аланы бир кесегин Ленин бла Къулий улу проспектледе кёрюрге боллукъду.

КъМР-ни Экономиканы айнытыу министерствосу былтыр ишини эсеплерин чыгъаргъанды эмда быйылгъа борчла белгилегенди.

КъМР-ни Парламентини Председатели Татьяна Егорова «Единая Россия» политика партияны КъМР-де регион бёлюмюне РФ-ни Конституциясына тюзетиулени юсюнден кесини оюмун билдиргенди. Спикер РФ-ни Конституциясы жарашдырылгъан жылланы ичинде къыралда кёп тюрлениуле болгъанларын белгилегенди.

КъМР-ни Башчысы Казбек Коков Правительствону юйюнде Къабарты-Малкъар Республикада 1941-1945 жыллада Уллу Ата журт урушда Хорламны 75-жыллыгъын байрамлау жаны бла къурау комитетни жыйылыуун бардыргъанды.

Кийик табийгъатны къоруулауну арасында «Энчи сакъланнган табийгъат жерлени дуниясы» деген битеуроссей конкурсну эсеплери чыгъарылгъандыла. Ол «Марш парков – 2019» атлы халкъла аралы акцияны чеклеринде «Битимлени, жаныуарланы да бирге къоруулайыкъ» деген чакъырыу бла бардырылгъанды.

Бу кюнледе Назраньда Россейни грек-рим тутушуудан биринчилиги ётгенди. Анга 18 жыллары толмагъанла къатышхандыла. Гёжефле сегиз ауурлукъ категорияда сермешгендиле.

Былтыр Къабарты-Малкъарда почтаны онтёрт бёлюмю жангыртылгъанды. Аладан тёртюсюнде этилмей жарамазлыкъ жумушла тамамланнгандыла, онусунда уа комплексли ремонт бардырылгъанды. Андан сора да, Нальчикде Баш почтамтны арбазында тозурагъан асфальтны орунуна плитка салыннганды.

ФСИН-ни КъМР-де Управлениясыны аппаратында уголовный-толтуруучу системаны ветеранларыны регион жамауат организациясыны жыйылыуу болгъанды.Аны ишине ведомствону таматасыны юйретиу иш жаны бла орунбасарлары да къатышхандыла.

«Иш кёллю Россей» организацияны жаш тёлюге деп къуралгъан бизнес-школунда маркетинг, реклама, товарла сатыу эмда жумушла бериу бла байламлы дерсле ётгендиле. Тренинглени сынамлы бизнес-тренер Наталья Костенко бардыргъанды, деп билдиргендиле организацияны бизни республикада бёлюмюнден.

КъМР-ни Урунуу эмда социал къоруулау министерствосунда Сабийлени эмда акъылбалыкъ болмагъанланы жай каникулларын къурау, саулукъларын кючлендириу жаны бла республикалы комиссияны кезиулю жыйылыуу ётгенди.