Къашхатауда «Демография» миллет проектни чеклеринде «Нюр» сабий садикни арбазында алтмыш къагъанакъгъа къошакъ мекям бите турады. Аны уллулугъу 800 квадрат метрге жетеди. Юйню къабыргъаларын жылыуну тутхан материалла бла тышлап, терезелерин орнатып, ток эм суу баргъан ызланы тартып бошагъандыла.

Россельхозбанкны Къабарты-Малкъарда бёлюмю былтыр он мингден артыкъ карточка чыгъаргъанды. Аладан жети минги иш хакъ тёленирча деп жарашдырылгъандыла. Банкны аны бла байламлы программасын республиканы 213 предприятиясы бла организациясы хайырланады, деп билдиргендиле финанс учреждениядан.

«Россети Шимал Кавказ» компанияны Къабарты-Малкъарда бёлюмю - «Каббалкэнерго» - былтыр ток сетьледе къоранчланы азайтыу жаны бла программасын артыгъы бла толтургъанды, деп билдиргендиле андан.

КъМР-ни Парламентини жаз сессиясы башланнганды. Аны чеклеринде законла чыгъарыучу баш органны президиумуну биринчи жыйылыуу ётгенди. Аны спикерни орунбасары Жанатайланы Салим бардыргъанды.

Владимир Путин 16 январьда Михаил Мишустинни РФ-ни Правительствосуну Председателине салыуну юсюнден Указгъа къол салгъанды.

«Жашау журт-коммунал мюлкню жангыртыуну фондуну» къараучу советини башчысы, белгили политик, къырал къуллукъчу Сергей Степашин бла фондну оноучусу Константин Цицин Къабарты-Малкъаргъа келип турадыла.

Биринчи кере Мелюханланы Маратны къызы Феридени Хасанияны Маданият юйюнде бир къууанчлы жыйылыуда кёргенме. Бу алаша, назик къызчыкъ, университетни жетишимли бошап, искусстволаны 1-чи номерли сабий школуну Хасанияда филиалында ишлегенин айтханда, ийнанырыгъым окъуна келмегенди.

Озгъан жыл Румынияда Брашов шахарда стилевой каратени ашихара тюрлюсюнден дунияны биринчилиги бла чемпионаты бардырылгъан эдиле. Алагъа жыйырма къыралдан юч жюзден аслам спортчу жаш тёлю, юниор эм абадан жыл сан категориялада хорлам ючюн кюрешгендиле.

«Звезда» каналны «Жангы жулдуз -2020» деген жыр конкурсуну ахыр эсеплери тохташдырылгъандыла. Анга къатышхан таулу къыз Атабийланы Малика ючюн къол кётюргенлени саны 24,66 процентни тутханды. Биринчи жерге чыкъгъан къалмукълу жырчы Лиджи Горяевдан ол жаланда 7 процентге артха къалгъанды.

Тюнене Россейни Президенти Владимир Путин Москвада Федерал Жыйылыуну аллында кезиулю Посланиясы бла сёлешгенди. Анда ол къыралда бусагъатдагъы болумгъа багъа бергенди эмда келир жылгъа бек магъаналы борчланы белгилегенди.