КъМР-ни Парламентини кезиулю пленар жыйылыуунда депутатла РФ-ни урунуу эм социальный къоруулау министри А.Котяковха фенилкетонурия ауруудан къыйналгъан сабийлеге сакъатлыкъны болжалын алагъа 18 толгъунчу созууну юсюнден тилекни къабыл кёргендиле.

Къабарты-Малкъарны Башчысы Казбек Коков жаз башы эл мюлк ишлени бардырыу жаны бла Нарткъалада кенгеш бардыргъанды.

КъМР-ни Парламентини кезиулю жыйылыуунда РФ-ни Конституциясына тюзетиулери бла «Власть органланы къурау эм ишлерин жалчытыу жаны бла бир-бир сорууланы игилендириуню юсюнден» Федерал закон къабыл кёрюлгенди.

РФ-ни Президентини Указы бла 2020 жылны 20 февралында Олег Богатырёв КъМР-ни Баш сюдюню  таматасына салыннганды.

Бахсан шахарда 1-чи номерли орта школну къатында жолну башы бла жаяу жюрюгенлеге темир кёпюр ишлене турады, деп билдириледи районну администрациясыны пресс-службасындан.

Тиширыуланы халкъла аралы кюнюне жораланып, Нальчикде Къырал концерт залда уллу концерт болгъанды. Анга келгенле бек алгъа фойеде сабийле ишлеген суратладан "Мени багъалы анам!" деген уллу да , сейирлик да кёрмючге къарап, зауукълукъ тапхандыла.

«Россети Шимал Кавказ» компанияны Къабарты-Малкъарда бёлюмюню специалистлери ток ызланы бегирек къоркъуулу жерлеринде къанатлыланы къоруулагъан 345 устройство орнатхандыла. Энергетикле айтханларына кёре, быллай затла аланы ток ургъандан сакъларча деп этиледиле.

Бёзюланы Магомед жашаууну асламын КъМР-ни От тюшюуге къажау-къутхарыу службасына бергенди. Бу сабыр, жууаш, тынч адам бир кезиуде республикада аты айтылгъан от ёчюлтюучю болгъанына, ол кёплени отдан чыгъаргъанына ийнаннган да къыйынды.

СНГ-ни Парламентле аралы ассамблеясыны Санкт-Петербургда бардырылгъан ишлерини чеклеринде аны дайым комиссияларыны жыйылыуу болгъанды. Аладан бирини - политика соруула эмда халкъла аралы бирге ишлеу жаны бла къауумуну - кенгешине РФ-ни Къырал Думасыны депутаты Геккиланы Заур да къатышханды.

КъМР-ни Жарыкъландырыу, илму эмда жаш тёлюню ишлери жаны бла министерствосу 2019 жылда ишини эсеплерин чыгъаргъанды эмда быйылгъа борчла белгилегенди.