Келир жыллада бизни къыралда бек тозурагъан юйледен эм азындан жарым миллион адамны кёчюрюрге керек боллукъду. Башхача айтханда, 10 миллион чакълы квадрат метр эски журтланы оюп кетерирге тюшерикди.

Кёп болмай «Сабий саулукъ сакълауну айнытыу» миллет проектни чеклеринде Республикалы сабий клиника больницагъа (РДКБ) 60 миллион сомдан аслам тургъан эм артда чыкъгъан Neusoft NeuViz 64 компьютер томограф алыннганды.

Тырныауузну «Геолог» спорт-саулукъландырыу комплексинде грек-рим тутушуудан Элбрус районну биринчилиги ётгенди. Анга юч жыл сандагъы къауумда 115 жаш гёжеф къатышханды.

Каспийск шахарны Али Алиевни атын жюрютген спорт мекямында тхэквондону WTF тюрлюсюнден «Чемпион» спорт клубну саугъаларына битеукъырал эришиу бардырылгъанды. Аны чеклеринде дагъыда 10-11-жыллыкъ сабийлеге «DAG OPEN» деген турнир къуралгъанды.

Кёп болмай нальчикчиле жолланы бир-бир жерлери асыры тозурагъандан къоркъуулу болгъанларына Битеуроссей халкъ фронтну (ОНФ) Къабарты-Малкъарда бёлюмюне тарыкъгъандыла.

Беш кюнню ичинде Нальчик "Южная сценагъа" къонакъбайлыкъ этгенди. Ол 17 ноябрьде Али Шогенцуков атлы Къабарты къырал драма театрда башланнганды, бошалгъан да анда этгенди.

«Единая Россия» партияны бу кюнледе Москвада болгъан XIX съездине Къабарты-Малкъарны делегациясы да къатышханды. Анга регионну оноучусу Казбек Коков башчылыкъ этгенди.

Къабарты-Малкъарда 3-6-чы январьда «Зори Кавказа-2020» фестиваль ётерикди. Анга Россейни бла жууукъ тыш къыралланы жолсуз жерле бла машиналада жюрюрге сюйгенлени клубларыны келечилери къатышырыкъдыла. Ала Ара Кавказны бек ариу жерлери бла ётерикдиле.

Белгилисича, 29 ноябрьде Къазахстанда Тюменланы Альберт бел бауун къоруулау бла байламлы сермешин ётдюрлюкдю. Бу кюнледе Алма-Атагъа спортчу атасы Хусей эм къарындашлары Бийберт эм Кязим бла келгенди. Анда алагъа ол къыралда жашагъан жерлешлерибиз тюбеп, къонакъбайлыкъ этгендиле.

Нальчикде Къырал концерт залда Ананы кюнюне аталып уллу байрам болгъанды. Аны республиканы тиширыуларыны жамауат организациясы къурагъанды.