Республиканы Жамауат палатасында айырыулагъа жамауат контроль этерик къараучуланы юйретиу башланнганды, биринчи семинарлагъа Нальчикни бла Урван районну келечилери къатышхандыла.

МЧС-ни регионда бёлюмюню пресс-службасындан билдиргенлерине кёре, министерствону келечилери жер-жерли самоуправление органланы ишчилери бла бирге отну ёчюлтюр ючюн керек болгъан суу быргъыланы халларына къарагъандыла.

Къабарты-Малкъар къырал аграр университетде «Тарых магъаналы эсгериу» проектге тийишлиликде «Ёмюрлюк махтаулукъну бетлери» деген IХ битеуроссей илму-практика конференция ётгенди.

Къазан шахарны 175-чи номерли гимназиясында болгъан ишледен сора Къабарты-Малкъарны Башчысы Казбек Коковну буйругъун толтурууну чеклеринде Кёнделенни 4-чю номерли орта школунда кенгеш бардырылгъанды.

Аккайланы Танзиля, Улбашланы Рамазанны къызы, тутхан ишинде бийик усталыкъгъа жетген жаш адамларыбыздан бириди. Ол биринчи категориялы врачды, акушер-гинекологду.

Къабарты-Малкъарны эл мюлклеринде урлукъ себип бошай турадыла. Бюгюнлюкде аллай иш 203 минг гектарда тамамланнганды. Андан мирзеу бла къудору ёсюмлюклеге 147,5 минг гектар жетеди, ол санда 131 минг гектарны нартюх алады.

Быйыл Къабарты-Малкъар къырал университет «Демография» миллет проектни чеклеринде «Урунургъа себеплик этиу» программаны бардыргъан къыралны вузларыны тизмесине киргенди. Аны РФ-ни Урунуу эмда социал къоруулау министерствосу бла Роструд бардырадыла.

КъМР-ни Парламентини президиумуну кезиулю жыйылыуунда «правительстволу сагъатны» чеклеринде депутатла 2020 жылда республиканы иелигинде болгъан ырысхыны приватизациясы къалай бардырылгъанын сюзгендиле. Жыйылыуну спикер Татьяна Егорова бардыргъанды.

КъМР-ни Башчысы Казбек Коков «Военторг» АО-ну генеральный директору Владимир Павлов, Россейни Къоруулау министерствосуну хапчукла жаны бла службасыны таматасы Валерий Кудрявцев, «ВоенТекстильПром» ООО-ну учредители Аслан Аталиков бла ишчи тюбешиу бардыргъанды.

Кёп болмай Элбрус муниципал районну администрациясыны башчысы Залийханланы Къаншаубий Огъары Бахсанда яслини къурулушу къалай баргъаны бла шагъырейленнгенди. Мекям «Билим бериуню айнытыу» къырал программагъа эм «Демография» миллет проектге кёре ишленеди.