КъМР-ни Башчысы Казбек Коков Лескен районда Р-217 «Кавказ» федерал жолда  къурулуш ишле къалай баргъанлары бла шагъырейленнгенди. Аны юсюнден республиканы оноучусу кесини телеграм-каналында билдиргенди.

Къабарты-Малкъар къырал аграр университетде «Экономика эм управление» факультетде бардырылгъан семинарда алгъаракъда МГУ-да ётген «Аграр политика: шёндюгю жолла эмда тамамларгъа себеплик этген амалла» конференцияны эсеплерин сюзгендиле. Аны ишине доцент Сафарби Пшихачев къатышхан эди.

Бахсан районда быйыл 32 мингден артыкъ гектарда урлукъ себилликди. Аны аслам кесегинде (22 минг гектар) мирзеулюк нартюх боллукъду.

Бу кюнледе Махачкалада М.Р. Джафаров атлы спорт школда дзюдодан «Локо Дзюдо» деген Битеуроссей эришиуле ётгендиле. Ол 2009-2012 жыллада туугъан   жаш спортчуланы араларында ётгенди. Ары РФ-ни отуз беш субъектинден 700-ден аслам спортчула къатышхандыла.

22 март - Суу байлыкъланы битеудуния кюню

Жыл сайын 22 мартда Суу байлыкъланы Битеудуния кюню белгиленеди. Аны ООН-ну Генеральный  Ассамблеясы 1993 жылда къурагъанды. Бу кюн битеу къыралла да суу байлыкъланы сакълаугъа эмда хайырланыугъа жораланнган жумушланы тамамларгъа чакъырадыла.

Къабарты-Малкъарда адамланы эски юйледен кёчюрюу программа болжалындан алгъа тамам этилгенди. Республиканы Правительствосуну Председатели Мусукланы Алий айтханнга кёре, ол 2023 жылгъа дери бардырыллыкъ эди. Алай бюгюнлюкге аны чеклеринде этиллик ишлени бары да эбине жетдирилгендиле.

РФ-ни Эл мюлк министри Дмитрий Патрушев бизни къыралда АПК-да эмда аш-азыкъ рынокда болумну сюзюу жаны бла оператив штабны кезиулю кенгешин бардыргъанды.

Хар инсанны да жашауунда эм уллу жерни юйюрю алады. Жууукъ адамларынгы къатында жюрегинг тынч болады, кёлюнг жарыйды, не тюрлю жарсыу да магъанасын тас этеди. Улбашланы Сарыбий бла Макытланы Аминат бир юйюр болуп, къууанчда, бушууда да бир бирге билеклик этип жашагъанлы 40 жылдан озгъанды.

Бу кюнледе Нальчикни 33-чю номерли школуну мурдорунда «Россейде Жылны устазы-2022»  Битеуроссей конкурсну муниципал кесеги бардырылады. Ол кеси  да къонакъбай мектепде къууанчлы халда ачылгъанды.

 Республиканы районларында жазгъы от тюшюу эм суу кётюрюлюрюне къоркъуулу кезиуге хазырланыу къыстау барады, бу ишни МЧС энчи эсебинде тутады, деп билдиредиле ведомствону регионда Баш управлениясыны пресс-службасындан.