«Иш кёллю Россей» жамауат организацияны Къабарты-Малкъарда бёлюмю къурагъан Жаш тёлю бизнес-школда бу кюнледе мастер-класс ётгенди.

Бу кюнледе «Радуга» республикалы социал-реабилитация  арада Аутизмден ауругъанланы битеудуния кюнюне жораланнган кенгеш болгъанды.

Элбрус муниципал районну башчысы Отарланы Мухтар  администрацияны ишчилери  бла бирге Элбрус элде сабий садны тынгылы ремонтуну барыуун тинтгендиле.

КъМР-ни Миллет музейинде «Человек дождя» жандауурлукъ фестивальны кезиулю кёрмючю ачылгъанды. Ол аутизм аурууну юсюнден хапарны кенг жайыуну халкъла аралы кюнюне  жораланнганды.  2008 жылдан бери 2 апрельде белгиленнген бу кюн тюрлю-тюрлю чакъырылыула бла ётеди.

Къабарты-Малкъар къырал университетни Орус тил эм маданият арасыны бла Брестни  А.С. Пушкин атлы къырал университетни араларында онлайн халда тюбешиу бардырылгъанды.

Къабарты-Малкъарда энчи аскер операциягъа къатышханланы окъутуугъа, аланы мамыр жашауда кеслерине жер табаргъа болушурукъ проект жашауда бардырылып башлагъанды. Ол «Къабарты-Малкъарны жигитлери» программаны чеклеринде толтурулады.

Багъала, айлыкъла, инвестицияла, ишчи жерле – аланы эм башха темаланы юслеринден  сёлешиннгенди Къабарты-Малкъарны Экономиканы айнытыу министерствосуну коллегиясында. Анда аны былтыргъы ишини эсеплерин, бёлюмде жетишимлени эмда чурумланы туура этгендиле.

РФ-ни Сюд приставларыны службасыны (УФССП) Къабарты-Малкъарда бёлюмюню келечиси Темиркан Готижев битеуроссей эришиуледе хорлагъанды, деп билдиргендиле бу ведомстводан. Анда айтханларына кёре, жаш гитче сюд пристав болуп ишлейди.

Сухумда Къабарты-Малкъар Республиканы Правительствосуну бла Абхазия Республиканы Правительствосуну араларында сатыу-алыу-экономика, илму-техника эмда маданият байламлыкъланы юсюнден келишимге къол салыннганды.

КъМР-ни Парламентини Жамауат советини жай сессияда биринчи жыйылыуу  магъаналы соруугъа жораланнганды –  социал аурууладан сакъланыугъа. Аны советни башчысы Бечелланы Илияс бардыргъанды. Жыйылыугъа законла чыгъарыучу органны башчысы Татьяна Егорова къатышханды.