КЪАЛАЩХЬЭМ И СПОРТСМЕНХЭР ХАГЪАЩIЭ

«Олимп къуажэ-80»-м щекIуэкIащ Мэзкуу къалэм алыдж-урым бэнэкIэмкIэ и чемпионат. Абы хэтащ Къэбэрдей-Балъкъэрым и щыщ спортсменхэри. Псори зэхэту ди щIалэхэм медаль зэмылIэужьыгъуи 8 чемпионатым къыщахьащ.

ПэщIэдзэ зэIущIэхэр фIы дыдэу езыгъэкIуэкIа КъуийцIыкIу Ахьмэд килограмм 77-м нэблагъэ зи хьэлъагъхэм я кIэух зэIущIэм 5:0-у щыхигъэщIащ мэкуудэс Агабекян Армен.

Иджыри зы дыщэ медаль ди республикэм къыхуихьащ Тен Астемыр. Зи хьэлъагъыр килограмм 97-м нэблагъэхэм я гупым щригъэкIуэкIа зэIущIэхэм шэч къызытумыхьэн текIуэныгъэ къыщызыхьа ди щIалэм кIэух зэпэщIэтыныгъэми 2:0-у ефIэкIащ Круглик Даниил.

Килограмм 60-м нэблагъэ зи хьэлъагъ Къэрэгъул Анзор финал зэIущIэм зымащIэкIэ къыщефIэкIащ Петросян Артур икIи чемпионатым и дыжьын медалыр къихьащ.

Я хьэлъагъ елъытауэ щыбэна гупхэм домбеякъ медалхэр щызыIэрагъэхьащ Тау Алим (кг 60), Улаков Рустам (кг 63-рэ), Къер Азэмэт (кг 72-рэ), Псэун Станислав (кг 82-рэ), Шыбзыхъуэ Къантемыр (кг 97-рэ) сымэ.

КЪЭХЪУН Бэч.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)