26 сентября, 2021 - 06:30
Бу кюнледе «Къоркъуусуз эм качестволу автомашина жолла» миллет проектни чеклеринде Акъ-Суу элни тёбен эм огъары жанларын бирге къошхан «Нальчик-Цемзавод» участокга тынгылы ремонт этип башлагъандыла. Ол артыкъ узун болмаса да, тёш жерлери ючюн къыйын категориягъа саналады.
Тынгылы ремонтну кезиуюнде подряд организация жолну мурдорун кючлендирликди, бордюрланы, жауун суу баргъан арыкъланы жангыртырыкъды, асфальт саллыкъды, улоула тохтагъан комплексле, тротуарла да ишленирикдиле. Ызы бла къоркъуусузлукъ жалчытылынырча мадар этилликди - жорукъланы билдирген тийишли белгиле салынырыкъдыла, ызла да тартыллыкъдыла. Планнга кёре, объект жылны ахырына хазыр болургъа керекди.