ДУНЕЙПСО КЛАСС ЗИIЭ СПОРТЫМ И МАСТЕРЫМ И МАРДЭР ЕГЪЭЗАЩIЭ

31 июля, 2021 - 08:19

Къэзан и «Ак Барс» IэпщэрызауэмкIэ уардэунэм щекIуэкIащ тхэквондомкIэ ныбжьыщIэхэм Европэм и чемпионат. Абы къыщыхэжаныкIащ ди лъахэгъу Апхуд Тимир.
Балигъхэм къищынэмыщIауэ, зи ныбжьыр илъэси 10 - 11, 12 - 14, 15 - 17 хъухэр зэщхьэщыхауэ зэхьэзэхуащ. Къэрал 28-м къикIат спортсмен 600-м щIигъу.
Къэбэрдей-Балъкъэрым щыщ Апхуд Тимир Урысей Федерацэм и щIыхьыр ихъумэу килограмм 58-м нэс зи хьэлъагъхэм я деж щызэуащ. Финалым хуэзыша зэIущIищми абы и хьэрхуэрэгъухэр хэпщIыкIыу щыхигъащIэри, Европэм и чемпионыгъэм щIэбэныну Iэмал игъуэтащ.
КIэух зэпэщIэтыныгъэм къыщыпэува Къэзахъстаным щыщ Алипбаев Таулкел адыгэ щIалэр зэрелIэлIэща щыIэкъым. Абыи 3:0-у ефIэкIри, дыщэ медалыр зыIэригъэхьащ.
Къэбэрдей-Балъкъэрым щыщу цIыхухъу тхэквондом апхуэдэ ехъулIэныгъэ ин нэхъапэм зыми къыщехъулIакъым. Абы и фIыгъэкIэ Апхуд Тимир игъэзэщIащ дунейпсо класс зиIэ спортым и мастерым и мардэр. ДяпэкIи ар зэхьэзэхуэ инхэм хэтынущ.
Европэм и чемпион щIалэр и гъэсэнщ тренер гъуэзэджэ Бэлахъуэ Елдар.

ХЬЭТАУ Ислъам.
  • 7 просмотров

Поделиться:

ЧИТАТЬ ТАКЖЕ:

19.04.2024 - 09:01

ДИ ЩIЫНАЛЪЭМ И ЩIЫПIЭ ДАХЭХЭР

Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы.
19.04.2024 - 09:01

ХЬЭЩIЭЩХЭМРЭ ХЬЭЩIЭХЭМРЭ

2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ
18.04.2024 - 12:25

ЖЫДЖЭРУ ЗЫЗЫУЖЬ IЭНАТIЭ

2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж
18.04.2024 - 10:01

УРЫСЕЙМРЭ ИСЛЪАМ ДУНЕЙМРЭ

УФ-м и Правительствэм и УнафэщIым и къуэдзэ Хуснуллин Марат иджыблагъэ иригъэкIуэкIащ «Урысеймрэ ислъам дунеймрэ: KazanForum» дунейпсо экономикэ зэхуэсым и къызэгъэпэщакIуэ комитетым и зэIущIэр.
18.04.2024 - 09:03

КЪАПЭЛЪЭЩЫН КЪАХЭКIАКЪЫМ

Урысейм иджырей пятиборьемкIэ пашэныгъэр къыщыхьыным хуэунэтIа зэхьэзэхуэ иджыблагъэ Киров къалэм щекIуэкIащ.