Ди къуэш республикэхэм

КъумпIылым вакцинэр зыхрегъалъхьэ
АДЫГЕЙ. Республикэм и Iэтащхьэ ­КъумпIыл Мурат коронавирусым зэры­зыщахъумэ вакцинэр зыхригъэлъ­хьащ. Абы жиIащ ар уз зэрыцIалэм зэры­пэщIэт Iэмал нэхъыщхьэу икIи шына­гъуэншэу къызэрилъытэр, узыфэр къэувыIэнымкIэ зэрыхэкIыпIэфIыр.
КъумпIылым 2020 гъэм и бжьыхьэм ­къеуэлIащ уз зэрыцIалэр, антителахэри иIэ хъуат. Ауэ ахэр нэхъ мащIэ зэрыхъужам, дохутырхэм я чэнджэщым тещIы­хьауэ, езыми, и адэ-анэми, и Iыхьлыхэми зыхрагъэIуащ. Апхуэдэуи республикэм и цIыхухэр къыхуриджащ Iуэхум акъыл хэлъу бгъэдыхьэну, узыншагъэр хъумэ­ныр псом япэ ирагъэщыну.
НобэкIэ Адыгейм ис цIыху мин 70-м нэблагъэм вакцинэр зыхрагъэIуащ.
Балли 100 зиIэхэм яIуощIэ
КЪЭРЭШЕЙ-ШЭРДЖЭС. Темрезов Рашид яIущIащ Зыуэ щыт къэрал экзаменхэмкIэ балли 100 къэзыхьа ныбжьыщIэхэм.
Предмет зэ­мылIэужьыгъуэхэмкIэ балл нэхъыбэ дыдэ къэзыхьахэр цIыху 12 мэхъу. Темрезовым къыхигъэщащ сабий губзыгъэхэм, зэчиифIэхэм уадэуэршэрыну зэрыгухэхъуэр, нобэ зыIэрагъэхьа ­ехъулIэныгъэ иныр фIыгъуэ куэдым я ­къежьапIэу зэры­щытыр.
Гъэ еджэгъуэ блэкIар школакIуэхэм я дежкIэ гугъуу щытами, нэхъыбэр унэм щIэсу еджами, зэрыгушхуэн гуп абыхэм зэрахэтыр, ныбжьыщIэхэр дэнэ кIуэуэ щеджэнуми зэрыхуитыр, щIэныгъэрэ Iэ­щIагъэрэ зэрагъэгъуэта нэужь, республикэр абыхэм зэрапэплъэр, къагъэзэжмэ, зэрыщыгуфIыкIынур ныбжьыщIэхэм яж­ри­Iащ Iэтащхьэм.
КъэралитIыр зэдолажьэ
АБХЪАЗ. Республикэм хамэ къэрал IуэхухэмкIэ и министр Кове Даур лэжьыгъэ IуэхукIэ Никарагуа къэралы­гъуэм кIуащ.
Ар мы махуэхэм а къэралым и Iэтащхьэм IущIэнущ икIи щIыналъитIыр дяпэкIэ зэрызэдэлэжьэну жыпхъэхэр яубзыхунущ. КъищынэмыщIауэ, министрыр хэтынущ Сандинист революцэр зэриухрэ илъэс 42-рэ зэрыхъум теухуа гуфIэгъуэ зэIущIэхэм.
Фигу къэдгъэкIыжынщи, Никарагуам Абхъазым и щхьэхуитыныгъэр къилъытащ 2008 гъэм фокIадэм и 3-м. 2009 гъэм къэралыгъуитIыр зэгурыIуащ дипломат зэхущытыкIэхэр я зэхуаку дэлъыну.

НэщIэпыджЭ Замирэ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.