Къол кётюрюу ачыкъ эм закондан таймай бардырылырча

КъМР-ни Парламентини президиумуну жай сессияда ахыргъы жыйылыуунда «комитетни сагъатында» РФ-ни Къырал Думасыны депутатларын айырыулагъа хазырланыу къалай баргъаны сюзюлгенди. Аны спикер Татьяна Егорова бардыргъанды.
Айырыу комиссияны башчысы Вячеслав Гешев Дума бла бирге республиканы жер-жерли самоуправление органларыны депутатлары да сайланырыкъларын билдиргенди. Россейни Къырал Думасына къол кётюрюу быйыл 19 сентябрьде бардырыллыкъды. РФ-ни Ара айырыу комиссиясыны бегимине тийишлиликде, къол кётюрюу юч кюннге созулады: 17-19 сентябрьде.
КъМР-де 13 жер-жерли эмда 355 участка айырыу комиссияла ишлейдиле. Алада протоколланы санауну женгиллетир мурат бла ГАС «Айырыула» система салыннганды. Дагъыда «Мобильный айырыучу» технология бла хайырланыргъа онг боллукъду. Сайлау баргъан отоуланы 80 проценти видеокамерала бла жалчытылынырыкъдыла.
Къырал Думаны 8-чи чакъырылыууну депутатларын сайлаугъа 32 политика партия къатышыргъа эркинди, аладан 14-сюне айырыучуланы къол ызларын жыяр кереклиси жокъду.
Республикада жер-жерли самоуправление органланы депутатларын 112 элде бла 7 шахар округда сайларыкъдыла. Къол кётюрюуню ачыкълыгъын Жамауат палатаны 710 къараучусу жалчытырыкъдыла.
Коронавирус аурууну жайылыууна къажау мадарла да толтуруллукъдула, ол санда Роспотребнадзорну эсгертиулерине тийишлиликде, участкалада маскала, дезинфекторла, алача башха затла боллукъдула.
КъМР-ни Айырыу комиссиясы инсанланы праволу культураларын игилендирир мурат бла ангылатыу ишни бардырлыкъды. Аны бла бирге «къызыу ызны» телефону ишлерикди.
- Битеу айырыу система къол кётюрюу кампания ачыкъ, законланы чеклеринде бардырылырына бурулупду. Айырыулагъа къатышханла барысы да РФ-ни Конституциясы берген эм магъаналы эркинликни - къол кётюрюуню – чырмаусуз хайырланырча мадарла толтуруллукъдула,-дегенди докладчы.
Законодательство эм жер-жерли самоуправленияны соруулары жаны бла комитетни башчысы Борис Мальбахов айырыула бла байламлы законлада тюрлениулени юслеринден айтханды.
«Комитетни сагъатын» бегите, Татьяна Егорова Айырыу комиссиягъа бу жууаплы ишни бет жарыкълы толтурурларын тежегенди.
- Кампания бийик даражада бардырыллыгъына ишексизме. Республика ол жаны бла жетишимлиди. Инсанларыбызны тириликлери уа бу сорууну магъаналылыгъына шагъатлыкъ этеди. Ачыкълыкъ бла законлукъ сакъланыргъа керекдиле. Биз да къолубуздан келгенни этерикбиз, адамла бла ангылатыу жумушла тамамларыкъбыз,-дегенди спикер.
«Комитетни сагъаты» жууаплы органлагъа эсгертиулени къабыл кёрюу бла бошалгъанды.
* * *
Президиумда уа республикалы законланы проектлерине къаралгъанды, ол санда Административ бузукълукъланы кодексине тюзетиуле сюзюлгендиле, «Уучулукъда халланы бир низамгъа келтириу эм уучу байлыкъны сакълау» республикалы законну проектине тюрлениуле тинтилгендиле.
Парламентарийле федерал законланы проектлерине, башха субъектледе коллегаларыны башламчылыкъларына да къарагъандыла. Алада от тюшюуге къажау ишни, билим бериуню, илмуну, къыралны илму-техника политикасыны юслеринден барады сёз.

КъМР-ни Парламентини пресс-службасы.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.